الرئيسية
الوووووووووووو..اهلا وسهلا بك زائرنا الكريم...شرفتنا بزيارتك ..ويارب ماتكونش اخر مرة ويارب توافق تسجل وتشارك معانا



 
الرئيسيةالرئيسية  س .و .جس .و .ج  مكتبة الصورمكتبة الصور  بحـثبحـث  قائمة الاعضاءقائمة الاعضاء  المجموعاتالمجموعات  التسجيلالتسجيل  دخولدخول  المنتدي  الرئيسية  

شاطر | 
 

 نقاش بيني وبين شخص علي احد المنتديات عن عمرو خالد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
dr_ahmed_akl
المدير العام
المدير العام


الجنس : ذكر العمر : 32 عدد الرسائل : 1603
الموقع : www.dr-akl.tk
المهنة : البلد :
الهواية :
المزاج :
الالتزام بالقوانين :
95 / 10095 / 100


لتعديل بياناتك : لتعديل بياناتك من هنا
السيكو بيكو : 1249
تقييم الاعضاء للعضو : 3
تاريخ التسجيل : 29/02/2008

مُساهمةموضوع: نقاش بيني وبين شخص علي احد المنتديات عن عمرو خالد   الإثنين نوفمبر 17, 2008 11:00 am

ده نص نقاش دار بيني وبين اخد الاشخاص علي احد المنتديات عن عمرو خالد وعايز رايكم فيه

ده الموضوع اللي هو كان منزله



السلام عليكــم ورحمـة الله وبركاتــة ،،
إزيكم يا جماعه أخباركم إيه
أنا جايلكم النهارده بموضوع لسه حاصل معاي إمبارح
أيوه إمبارح بالتحديد في حفلة الأيتام اللي كانت في حمام السباحه
هي كانت حفله جميله جدا جدا وكان فيها حاجات مميزه كتير منها ما قدم ومنها ما لم يقدم المهم مش ده الموضوع اللي جاي أكلمكم فيه
الموضوع اللي عايز أقولكوا عليه بدأكالتالي
فيه طفل صغير مشهور كده اسمه مسلم سعيد مشهور جدا لأنه بيخطب هو ولد لم يتجاوز سنه خمس سنين بس ما شاء الله طريقته في الإلقاء متميزه جدا جدا المهم أنا بصراحه لما شفته فرحت جدا وكان جاي مع والده على أساس إنه يقدم فقره من الفقرات بس حصلت حاجات كده مخلتهوش يقدم فقرته
المهم كان بيصلي هو ووالده ووالجماعه اللي بشنبات كبييييييييييييييييييييييييييييييره جدا دي
وبعد ماخلصوا صلاة كان والده هو اللي بيصلي بيهم إمام قعدت جنبه سلمت عليه وحييته ورحبت بيه وقولتله ممكن أسأل حضرتك سؤال قالي اتفضل قولتله هو الخطب اللي مسلم بيلقيها بتكون محفوظه ولا بيقولها من تعبيره ارتجالا
قالي إنت شايف إيه
قلتله أنا شايف إن هو بيكون ملقن وحافظ كل الكلام اللي بيقوله
قالي أيوه هو لسه صغير على الإبداع وأي عالم بيبدأ بالحفظ والتلقين
قلتله أكيد وده شيئ لا ينتقص من موهبته شيئ
قلتله مين اللي بيكتبله خطبه
قالي أنا اللي بكتبهاله
وهنا اتأكدت إن طفل ده ما هو إلا وسيله لنشر أفكار فئه معينه
قالي هو موهبته إنه بيلعب بأعصاب الناس
أنا بصراحه معجبتنيش الكلمه بس عديتها يعني
وقعدنا نتكلم على فساد بعض الأمور في مصر
وبعدين قولتله ممكن أسألك سؤال رخم شويه
قالي اتفضل
قلتله إيه سبب الحمله الفظيعه على عمرو خالد الأيام دي
للعلم الطفل ده يا جماعه بيسب في عمرو خالد كتير جدا
قالي إحنا مكناش بنهاجم عمرو خالد إحنا كنا بنهاجم شيخ الأزهر وهم خادوها على عمرو خالد بس عمرو خالد يستاهل أكتر من كده ده يستاهل قطع رقبته
أنا بصراحه سمعت الكلمه دي وبصيتله كده واتنرفزت جدا بس الحمد لله تمالكت نفسي وقولتله ليه
قالي ده عنده أخطاء عقائديه
قلتله إزاي أنا عارف رده بس حبيت أخليه هو يقولها
قالي يعني مثلا عمرو خالد بيقول ربنا عايز كذا والعوز في حق الله نقص
قولتله وأنا لو قلتلك دلوقت ربنا عايزك تون صالح تقولي إننا ده كفرت
سكت شويه وقالي أنا أقبلها منك بس مقبلهاش من واحد بيعلم الناس دينهم
قولتله يا شيخ ..عمرو خالدبيكلم عامة الناس وزالناس فاهمه هو عايز يقول إيه ومش معقول يكون قصده إنه يسب في رب العزه جل وعلا
قالي بيقول إن الرسول فاشل
قلتله عمرو خالد بيقول إن الرسول فاشل طيب إزاي عمل على خطى الحبيب
قالي متسألنيش اسأله هو
قلنله مشكلتكم إنكم بتقتطعوا من كلامه مبتبصوش للفكره اللي عايز يوصلها
دخل زميلنا كريم وقاله إنتم بتتصيدوا الأخطاء ليه
المهم تهرب من الإجابه دي
المهم رحت جاي زانقه بسؤال قلتله هل يشترط في الداعيه أن يكون فقيه
الإجابه المتفق عليها إن مش لازم يكون فقيه
بس برضو مجاوبش عالسؤال
دخل كريم قالو الرسول بيقول حدثوا عني ولو أيه وحدثوا عن بني إسرائيل ولا حرج المفروض إن هو يدعي
المهم ذكر قصه واحد حيه لدغته فقابل صاحبه قالو مالك قالو حيه لدغتني قالو حيه لدغتني قالوا قول الحمد لله مسمعتش الأيه لئن شكرتم لأزدينكم
فراح جاي قايل ربنا يزيدني!!!!!!! اللهم لا حمد
قلتله ده مش دليل ده قصور في فهمه مش هو ده الفهم العام
قالي قالنا إنتم بتؤمنوا بالتخصصات قلناله أكيد طبعا
قال وعمرو خالد مش متخصص
قولتله من قالك عمرو خالد معاه شهاده من مركز الدعوه تؤهله إنه يكون داعيه
وأنا فعلا سمعت الكلام ده من عمرو خالد
قولتله عارف إيه اللي مزعلني مش إنكم بتهاجموا عمروخالد كشخص
قالي أمال إيه
قلتله إني شايف مسلمين بيشتموا مسلمين يعني بدل ماتقول خطبه تشتم عمرو خالد روح شوف الإسرائيين
سكت كده ومجاوبش
ودخل بقى على علي وجمعه وقعد يشتم فيه هو كمان
وكمان خالد الجندي مسلمش منه
المضحك بقى إن الظاهر هو معهوش شهايد لأني بقوله حضرتك مؤهلك إيه قالي أنامتتلمذ على إيد المشايخ محمد حسان ومحمد حسين يعقوب وكل المشايخ اللي إنت شايفهم
المهم الحوار ده خادله حوالي نص ساعه وقال في الأخر إنه مستعجل وسلمت عليه ورحبت بيه تاني
بكم كريم النهارده قالي ده كان عايز يموتك إمبار\ح من اللي قولته
بجد والله يا جماعه أنا زعلان جدا من الحاله اللي بقينا فيها
دول يشتموا في دول ودول يسبوا في دول
والضحيه هو المجتمع الإسلامي
أنا يمكن بجد بحب عمرو خالد بس والله مكنش هو الدافع في ردي عليه
كان الدافع إني مشفش شيخ بيشتم في شيخ أو فئئئه بتسب في فئه
أنا يمكن عارف الكلام اللي قالهولي إمبارح ده من قبل كده وسمعته من ناس
بس مكنتش متصور إنها توصل لكده
إنتم إيه رأيكم يا جماعه
أنا يمكن نسيت حاجات كتير من اللي اتقالت بس بس إنتم عارفين ظروف الإمتحانات وكمان مش عايز أطول عليكوا أكتر من كده
المهم عايز أشوف رأيكوا يا جماعه اللي بيحصل ده صح ولا غلط
وأنا كان معاي حق ولا إيه إن شاء الله هجيبلكوا اللينكات بتاعت سب مسلم في عمرو خالد وهأرفعلكوا صورتين واحده لي معاه والتانيه لكريم معاه بس علشان الامتحانات دلوقت
أشكركم
أسف على الإطاله
تحياتي






عدل سابقا من قبل dr_ahmed_akl في الإثنين نوفمبر 17, 2008 11:39 am عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://drahmedakl.healthgoo.com
dr_ahmed_akl
المدير العام
المدير العام


الجنس : ذكر العمر : 32 عدد الرسائل : 1603
الموقع : www.dr-akl.tk
المهنة : البلد :
الهواية :
المزاج :
الالتزام بالقوانين :
95 / 10095 / 100


لتعديل بياناتك : لتعديل بياناتك من هنا
السيكو بيكو : 1249
تقييم الاعضاء للعضو : 3
تاريخ التسجيل : 29/02/2008

مُساهمةموضوع: رد: نقاش بيني وبين شخص علي احد المنتديات عن عمرو خالد   الإثنين نوفمبر 17, 2008 11:02 am

ردي الاول علي الموضوع


للاسف انا كنت بحب عمر خالد اول ما ظهر بس بعد كده لقيت نفسي بطلع من محاضرته بافكار غلط يعني مثلا لما يقول مين يا جماعة قال ان الرسول مفلش لا الرسول فشل واحنا كمان ممكن نفشل طب ده بزمتكم كلام اذا كان الداعي الاسلام بيقول ان الرسول فاشل اومال اعداء الاسلام هيقولوا ايه بعد كده وازاي قدر يقولها اصلا معلش دي اخطاء ميخطاهاش طفل مسلم لما يقول مين قال ان الشيطان مكفرش ازاي وربنا قال انه كفر هو مش عارف الفرق بين الجحود والكفر طب ازاي طالع يعلم الناس وفعلا فعلا فعلا الحلقة اللي كان نفسي بجد اروح اضربه فيها لما حط المصحف علي بيانو تخيلوا المصحف الشريف كلام الله حطه علي بيانو والله كنت هعيط يومها وطلع يقولك الموسيقي مش حرام وانا بسالكم في حد منكم ميعرفش حدي الرسول فيما معني الحديث ان في اخر الزمان سياتي قوم من المسلمين يستحلون المعازف يعني هيقولوا لا الموسيقي حلال مش هو ده نفس الكلام اللي هو بيقوله وياتري هو ميعرفش الحديث ده وطبعا ادله تحريم الموسيقي كلنا عارفنها ونيجي لافكاره لما بيقول في حلقة من حلقاته لو جات فرصة عمل وفيه راجل وست ناخد مين قال ناخد المراة وتفسيره اصل المراة مش بتخرج للعمل الا لو محتاجه له بقي زمتكم المراة مش بتخرج للعمل الا لو محتاجه له؟ وهو الراجل مش بيعمل عشان محتاج فلوس؟ هل ده عقل سليم؟ ولا الحلقة اللي حاول يشبه فيها بينه وبين الرسول لما قال وكله فخر يا جماعه انا عيد ميلادي النهارده(خلوا بالكم يوم ميلادي) موافق ليوم مولد الرسول(يوم هجري) وكان فرحان اوي اقول ايه ولا ايه وفي حلقة من الحلقات جاب ايه قرانيه وراح قايل للمزيعه شوفي ربنا ختم الايه بايه وفسر الايه علي ان ربنا ختمها بكلمة معينه مع ان دي مكنتش ختمة الاية وكان ليها تكملة ده غير القصص الغير منطقية اللي بيجبها اللي محدش عارلها اصل من فصل وعندكم مثلا كلنا عارفين ان سفر المراة بدون محرم حرام الرسول بيقول فيما معني الحديث(لاتسافر امراة تؤمن باله واليوم الاخرالا ومعها ذو محرم) لقينا الاستاذ عمر بيقول يا جماعة احنا ظلمنا المراة في موضوع السفر المراه عادي تسافر وتروح وتيجي من غير محرم وشوفوا دليله ايه بيقول ان الرسول قال ( ستخرج المراة من الحيرة لا تخشي الا الله حتي تطوف بالبيت وحدها ) ولا حول ولا قوة الا بالله والحديث شوفوا هو قال ايه وشوفوا كلمة وحدها اللي ضفها وشوفوا بقي حديث الرسول بيقول ايه((( روى الإمام البخاري رحمه الله بإسناده إلى عدي بن حاتم قال: بينا أنا عند الني صلى الله عليه وسلم إذا أتاه رجل فشكا إليه الفاقة، ثم أتاه آخر فشكا إليه قطع السبيل
فقال: يا عدي، هل رأيت الحيرة؟
قلت: لم أرها، وقد أنبئت عنها
قال: فإن طالت بك حياة لترين الظعينة ترتحل من الحيرة حتى تطوف بالكعبة لا تخاف أحداً إلا الله، قلت فيما بيني وبين نفسي فأين دعار (الدعار هو الخبث الشديد) طيء الذين قد سعروا البلاد؟ ولئن طالت بك حياة لتفتحن كنوز كسرى
قلت: كسرى بن هرمز؟
قال: كسرى بن هرمز. ولئن طالت بك حياة لترين الرجل يخرج ملء كفه من ذهب أو فضة يطلب من يقبله منه فلا يجد أحداً يقبله منه، وليلقين الله أحدكم يوم يلقاه وليس بينه وبينه ترجمان يترجم له، فيقولن ألم أبعث إليك رسولاً فيبلغك فيقول بلى
فيقول: ألم أعطك مالاً وأفضل عليك؟
فيقول : بلى فينظر عن يمينه فلا يرى إلا جهنم، وينظر عن يساره فلا يرى إلا جهنم )))

والضغينه هي المراة في الهودج والهودج لازم له راجل يمسك بالجمل ويمشيه واكيد طبعا هو المحرم مش هيا هتسافر لوحدها زي ما عمر خالد بيقول مش عارف اقول ايه ولا ايه بجد حرام عليه عايز يتكلم يسل الشيوخ اولا يا اما يخليه في المشريع احسن بس بجد كده حرام حرام حرام الشباب مش عارفي حاجه وهو بيملي عقولهم بحجات غلط حرااااااااااااااااااااام






عدل سابقا من قبل dr_ahmed_akl في الإثنين نوفمبر 17, 2008 11:36 am عدل 2 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://drahmedakl.healthgoo.com
dr_ahmed_akl
المدير العام
المدير العام


الجنس : ذكر العمر : 32 عدد الرسائل : 1603
الموقع : www.dr-akl.tk
المهنة : البلد :
الهواية :
المزاج :
الالتزام بالقوانين :
95 / 10095 / 100


لتعديل بياناتك : لتعديل بياناتك من هنا
السيكو بيكو : 1249
تقييم الاعضاء للعضو : 3
تاريخ التسجيل : 29/02/2008

مُساهمةموضوع: رد: نقاش بيني وبين شخص علي احد المنتديات عن عمرو خالد   الإثنين نوفمبر 17, 2008 11:07 am

رده الاول علي كلامي

كلامه:
ايه ده لا حول ولا قوة الا بالله العلي العظيم

ايه ده يا دكتور اولا لازم تعترف ان دكتور عمرو خالد عمل اللي كتييييييييييييييير من المشايخ مقدرش يعمله



إقتباس من كلامي:
بافكار غلط يعني مثلا لما يقول مين يا جماعة قال ان الرسول مفلش لا الرسول فشل واحنا كمان ممكن نفشل

رده:
انا شفت احلقه دي المشكله هو اقتطاع البعض من كلامههو مقالش الرسول صلى الله عليه وسلم فاشل هو قالان التجربه كانت بشريه خاضعه للفشل عشان نعرف ان احنا لازم نعمل بالاسباب طيب ليه المشايخ لما ييجي من موضوع الهجره يقولك خد بالاسباب لو هي تجربه ربانيه مكنتش تجربه انسانيه والتجارب الربانيه متحجش اسباب
هل الهجره تجربه انسانيه؟؟؟؟
اي تجربه انسانيه تخضع للنجاح والفشل وبعدين عمرو خالد اللي عامل على خطى الحبيب يقول ان الرسول فاشل؟؟؟!!!!
بلاش تقطع في الكلام


إقتباس من كلامي
ان الشيطان مكفرش ازاي وربنا قال انه كفر هو مش عارف الفرق بين الجحود والكفر طب ازاي طالع يعلم الناس

رده:
انت تعرف حضرتك معنى كفر ايه الاول معنى كفر يعني غطى الشيئ وفيه ايه ليغيظ به الكفار عارف المقصود بالكفار هنا ايه

مفاجأه يعني المزارعين وابليس مكفرش النعمه هو ما اداش شكرها ده فهمي

إقتباس من كلامي
الحديث ان في اخر الزمان سياتي قوم من المسلمين يستحلون المعازف يعني هيقولوا لا الموسيقي حلال مش هو ده نفس الكلام اللي هو بيقوله وياتري هو ميعرفش الحديث ده

رده
اقرا كتاب القرضاوي الاسلام والفن الحديث ده معلق


إقتباس من كلامي
وطبعا ادله تحريم الموسيقي كلنا عارفنها

رده:
العلماء بينهم اختلاف وحضرتك خليتها طبعا


إقتباس من كلامي:
ولا الحلقة اللي حاول يشبه فيها بينه وبين الرسول لما قال وكله فخر يا جماعه انا عيد ميلادي النهارده(خلوا بالكم يوم ميلادي) موافق ليوم مولد الرسول(يوم هجري) وكان فرحان اوي اقول ايه ولا ايه

رده:
انا مش شايف ان فيها اي تشبيه او مقارنه حد شايف حاجه غير كده بطلو تلكيك


إقتباس من كلامي:
( ستخرج المراة من الحيرة لا تخشي الا الله حتي تطوف بالبيت وحدها

رده:
الحديث بيقول وحدهااااااااااااااااااااااااااااااااا

إقتباس من كلامي
بجد كده حرام حرام حرام الشباب مش عارفي حاجه وهو بيملي عقولهم بحجات غلط حرااااااااااااااااااااام

رده:
التنميه بالايمان غلط؟؟
صناع الحياه غلط؟؟؟
دعوه للتعايش غلط؟؟
فهم اسماء الله الحسنى غلط؟؟؟


إقتباس من كلامي:
وفي اكتر من موقف يقولك اصل ربنا عايز اصل ربنا عمل كده عشان انت عرفت منين هو ربنا اللي قالك علي نواياه

رده:
خلاص يبقى كده نرفض اي قيمه مجتش صريحه من القران واستنطها داعيه او عالم

فيه حاجه اسمها استنباط الاحكام والعبر


إقتباس من كلامي:
ولما عمرو خالد يضيف كلمة مخصوص علي حديث الرسول عشان يثبت حاجه هو عايزها وحاجه تانيه افتكرتها دلوقتي مثلا لما ربنا بيقول واللاتي ان خفتم نشوزهن فعظوهن واهجروهن في المضاجع واضربوهن الاستاذ عمر بيقول ده في حالة النشوز الشديد الشديد الشديد

رده:
ايوا طبعا الضرب في حالة النشوز الشديد لان ده اخر وسيله للعقاب


إقتباس من كلامي:
والقصص اللي بيجبها الضعيفه ازاي يجيب قصص اسنادها ضعيف ولو عايز يجبها ازاي ميقولش للناس ان اسنادها ضعيف

رده:
يؤخذ بالحديث الضعيف في فضائل الاعمال ولا هو مبيدعوش الى فضائل الاعمال؟

إقتباس من كلامي:
حديث الرسول فيما معناه اجرؤكم علي الفتوي اجرؤكم علي النار

رده:
مين قالك ان عمرو خالد بيفتي؟؟؟



إقتباس من كلامي:
مع ده كله انا مش هسيء الظن فيه بس الفتاوي ودروس الدين مش مكانه ده مكان الشيوخ هو نقدر نقول عليه راجل محترم ممكن يعمل مشاريع كويسة مثلا بس يعمل نفسه شيخ ويفتي الناس لا والف لا

رده:
ياراجل حرام عليك دا انت بهدلت الراجل وشردته

كلمه اخيره بقى على فكره انت لو قعدت تسمع الحلقه كده من غير ما تكون حاطط في دماغك نقطه معينه انه قالها غلط اتحداك انك تعرف الغلط ده فيه

وحتى الراجل لو كان اخطا فهو مش معصوم

ولكل عالم هفوه ولكل جواد كبوه

سيبو الراجل في حاله

وخلوه يشتغل مش لازم نحبط اللي ينجح




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://drahmedakl.healthgoo.com
dr_ahmed_akl
المدير العام
المدير العام


الجنس : ذكر العمر : 32 عدد الرسائل : 1603
الموقع : www.dr-akl.tk
المهنة : البلد :
الهواية :
المزاج :
الالتزام بالقوانين :
95 / 10095 / 100


لتعديل بياناتك : لتعديل بياناتك من هنا
السيكو بيكو : 1249
تقييم الاعضاء للعضو : 3
تاريخ التسجيل : 29/02/2008

مُساهمةموضوع: رد: نقاش بيني وبين شخص علي احد المنتديات عن عمرو خالد   الإثنين نوفمبر 17, 2008 11:17 am

[b]ردي الثاني عليه:[/b]
اقتباس من كلامه:
ايه ده لا حول ولا قوة الا بالله العلي العظيم

ايه ده يا دكتور اولا لازم تعترف ان دكتور عمرو خالد عمل اللي كتييييييييييييييير من المشايخ مقدرش يعمله

ردي:
يمكن انت ادري بس عايز اقول لحضرتك ان الهدايه من عند ربنا مش من عند عمر خالد ولا المشايخ



اقتباس من كلامه:

انا شفت احلقه دي المشكله هو اقتطاع البعض من كلامههو مقالش الرسول صلى الله عليه وسلم فاشل هو قالان التجربه كانت بشريه خاضعه للفشل عشان نعرف ان احنا لازم نعمل بالاسباب طيب ليه المشايخ لما ييجي من موضوع الهجره يقولك خد بالاسباب لو هي تجربه ربانيه مكنتش تجربه انسانيه والتجارب الربانيه متحجش اسباب
هل الهجره تجربه انسانيه؟؟؟؟
اي تجربه انسانيه تخضع للنجاح والفشل وبعدين عمرو خالد اللي عامل على خطى الحبيب يقول ان الرسول فاشل؟؟؟!!!!
بلاش تقطع في الكلام

ردي:
انصحك تسمع الحلقة تاني لانه قال(الرسول فشل 26 مرة) وقال ان الرسول فشل في الطائف انا فاهم هو عايز يوزصل لايه هو عايز يقول يا جماعه زي منتوا بتفشلوا فالرسول فشل (حاشا لله )هو كل اسلوبه كده علي طول ربنا سبحانه وتعالي بيقول(ما ينطق عن الهوي ان هو الا وحي يوحي) والهجرة يا استاذي كانت بامر من ربنا سبحانه وتعالي ومكنتش تجربة انسانية


اقتباس من كلامه:

انت تعرف حضرتك معنى كفر ايه الاول معنى كفر يعني غطى الشيئ وفيه ايه ليغيظ به الكفار عارف المقصود بالكفار هنا ايه

مفاجأه يعني المزارعين وابليس مكفرش النعمه هو ما اداش شكرها ده فهمي

ردي:
الرد منفصل ان شاء الله

اقتباس من كلامه:

اقرا كتاب القرضاوي الاسلام والفن الحديث ده معلق



العلماء بينهم اختلاف وحضرتك خليتها طبعا

ردي:
(ادلة تحريم الموسيقي في رد منفصل ان شاء الله وانا مش هصدق غير كلام رسولي ان شاء الله لانه قالها واصحه اقوام يستحلون المعازف يعني هيطلع ناي في اخر الزمان يقولوا علي الموسيقي انها حلال مش ده كلام الرسول


اقتباس من كلامه:

انا مش شايف ان فيها اي تشبيه او مقارنه حد شايف حاجه غير كده بطلو تلكيك

ردي:
مش تلكيك انا لما كنت بسمعه كنت بحاول اركز في كل حاجه عشان اقدر اوصل لطريقة تفكيره فبجد مكنتش مصدقه وهو بيقول الكلام ده تاريخ ميلاده الميلادي موافق لتاريخ ميلاد الرسول الهجري طب حد يقولي ايه وجه الشبه مش انا اللي بقول ا فيه تشبيه هو اللي بيقول


اقتباس من كلامه:

الحديث بيقول وحدهااااااااااااااااااااااااااااااااا

ردي:
الحديث مش بيقول وحدها وانا جبتلك نص الحديث وراجع حضرتك الاحاديث تاني

اقتباس من كلامه:

التنميه بالايمان غلط؟؟
صناع الحياه غلط؟؟؟
دعوه للتعايش غلط؟؟
فهم اسماء الله الحسنى غلط؟؟؟


خلاص يبقى كده نرفض اي قيمه مجتش صريحه من القران واستنطها داعيه او عالم

فيه حاجه اسمها استنباط الاحكام والعبر


ردي:
البرامج دي كلها فيها اخطاء بالجملة مش عشان اعمل حاجه صح ابوظ حجات تانيه صح كانت موجودة وانا مش بقولميعملش حاجه بس بقول يجيب شيخ عالم شيخ حافظ القران والسنة وعالم باحكامهم مش يطلع هو يغلط المشايخ


اقتباس من كلامه:

ايوا طبعا الضرب في حالة النشوز الشديد لان ده اخر وسيله للعقاب

ردي:
اخر وسيله للعقاب في حالة الخوف من النشوز مش النشوز الشديد ربنا بيقول(واللاتي ان خقتم نشوزهن فعظوهن واهجروهن في المضاجع واضربوهن)صدق الله العظيم الوعظ والهجر والضرب بينهم ادوات عطف(الواو) والتلاته مبنيين علي ما قبلهم وهو الخوف من النشوز


اقتباس من كلامه:

يؤخذ بالحديث الضعيف في فضائل الاعمال ولا هو مبيدعوش الى فضائل الاعمال؟

رديك
في فضائل الاعمال انما مش ياخد بحديث ضعيف عشان ينفي بيه اساس من ثوابت الاسلام

اقتباس من كلامه:

مين قالك ان عمرو خالد بيفتي؟؟؟

ردي:
هو لما يطلع يقول ان شيوخنا ظلموا المراة بتحريم سفرها بدون محرم وان لا المفروض الست تسافر بدون محرم هو كده مش بيفتي؟؟؟



اقتباس من كلامه:

ياراجل حرام عليك دا انت بهدلت الراجل وشردته

ردي:
هو اللي شرد نفسه


اقتباس من كلامه:

كلمه اخيره بقى على فكره انت لو قعدت تسمع الحلقه كده من غير ما تكون حاطط في دماغك نقطه معينه انه قالها غلط اتحداك انك تعرف الغلط ده فيه
احلفلك بالله اني كنت بسمعه وانكرت عليه معظم الحجات دي من غير ما اسمع ردود شيوخنا الاجلاء المشكله وانت اكيد موافقني في كده ان الشباب في مصر ولبنان بالذات متربوش علي الدين خصوصا ان في المدارس الدين مهمش جدا جدا عشان كده الشباب لقوا واحد اسلوبه عجبهم مشوا وراه عشان كده كان لازم يحس بالمسؤلية دي ومينطقش بكلمة الا لو كان متاكد منها مليون في المية لان فيه ناس متعرفش حاجه عن الدين بيسمعوه ولا حول ولا قوة الا بالله وبعدين اديك قولتها اتحداك لو فضلت تسمعه تعرف انه قال حاجه غلط مهو ده اللي انا بقوله من الصبح انا الشباب مش عارفين عن الدين غير القليل وبيسمعوه ويخدوا الغلط ده علي انه الصح.


اقتباس من كلامه:

وحتى الراجل لو كان اخطا فهو مش معصوم

ردي:
بس لما شيوخه يقوموه يستجيب مش يكابر

اقتباس من كلامه:

ولكل عالم هفوه ولكل جواد كبوه

ردي:
هو ليس بعالم

اقتباس من كلامه:

سيبو الراجل في حاله

وخلوه يشتغل مش لازم نحبط اللي ينجح

ردي:
لو كان الهدف احباط اللي بينجح كانوا حاولوا يحبطوا الشيخ محمد حسان اللي الشباب بتجري علي اي مسجد يسمعوا انه هيروحه بس والله العظيم مش هو ده الهدف الهدف ان ثوابت الدين تفضل زي ما هيا محدش يقرب منها

يا جماعة احكموا علي الكلام مش علي الشخص مش بس بمشاعركم دوروا علي كلامه في الكتب واسالوا شيوخ مش لانه بيخاطب العاطفه نصدقه في كل حاجه




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://drahmedakl.healthgoo.com
dr_ahmed_akl
المدير العام
المدير العام


الجنس : ذكر العمر : 32 عدد الرسائل : 1603
الموقع : www.dr-akl.tk
المهنة : البلد :
الهواية :
المزاج :
الالتزام بالقوانين :
95 / 10095 / 100


لتعديل بياناتك : لتعديل بياناتك من هنا
السيكو بيكو : 1249
تقييم الاعضاء للعضو : 3
تاريخ التسجيل : 29/02/2008

مُساهمةموضوع: رد: نقاش بيني وبين شخص علي احد المنتديات عن عمرو خالد   الإثنين نوفمبر 17, 2008 11:21 am

وبعدين بعتله رد الشيوخ علي ان ابليس بم يكفر وبعدين بعتله ردي
الرد علي ان ابليس لم يكفر

لقد عثر على شريط لعمرو بن خالد في موقعه بعنوان (آدم وحواء)

قال فيه: (إبليس مكفرش)

!!!!!!!!!!!!!!!!

ثم واصل

فقال:

(في هنا معنى ثاني

!!!!!

الحقيقة جميل إن احنا نقوله

خلي بالكو يا جماعه

،

إبليس كفر بربنا ولا مكفرش؟

!!!؟؟

لا مكفرش

!!!!!!!!!!!!!


،

إبليس مكفرش

!!

، بص

إبليس بيقول إيه:

"خلقتني"

" يبقى هُوَّ اعترف بالله إن هو خلق ولا لأ

؟؟!!!!

مش كده؟

!!!؟؟؟

قال «خلقتني من نار»

وإيه؟

«وخلقته من طين»

فأنت خلقتني وأنت اللي خلقته،

وفي آية ثانية بيقول

إيه:

«قال فبعزتك»

يبقى مدرك عزة الله عز وجل

ولا لأ
ا هـ
؟؟!!!!!!!؟


وقد سئل ابن عثيمين بهذا السؤال:

يا شيخ ما حكم من قال:

إن إبليس ليس بكافر، وإنه أقسم بعزة الله؟

الشيخ:

وقول الله تعالى: {قَالَ فَبِعِزَّتِكَ لَأُغْوِيَنَّهُمْ أَجْمَعِينَ}

الذي يقول ليس بكافر يجب أن يستتاب

فإن تاب وإلا قتل

لأنه كذب القرآن

وإقسامه بعزة الله

لأنه يعرف بأن الله عزيز فأقسم بعزة الله عز وجل،

وهو أيضاً

قال: {كَمَثَلِ الشَّيْطَانِ إِذْ قَالَ لِلْإِنْسَانِ اكْفُرْ فَلَمَّا كَفَرَ قَالَ إِنِّي بَرِيءٌ مِنْكَ إِنِّي أَخَافُ اللَّهَ رَبَّ الْعَالَمِينَ} الحشر،

لكن هذا ليس خوف عباده،

هذا مثل ما نخاف نحن من الذئب والسبع وما أشبه ذلك...

قل لهذا الأخ الذي قال لك قل له يتوب إلى الله عز وجل،

ولا يكذب كلام الله:

{قَالَ فَبِعِزَّتِكَ لَأُغْوِيَنَّهُمْ أَجْمَعِينَ}.

##

@@

##

قلت
:

الآيات الدالة على كفر إبليس كثيرة

وأكثر من ذلك الآيات التي بلفظ الشيطان

لأنه داخل في هذا العموم،

بل هو أول من يدخل في ذلك،

فعمرو بن خالد عندما نزع إلى قوله لم يأت بحجة تدل على تسويغ ما نزع إليه

فضلا عن أن تدل أدلة على صحة ما قاله،

وأما ما استدل به فهو في باب توحيد الربوبية،

ومعلوم أن إبليس أبى أن يسجد لآدم

وأبى أن يعبد الله،

فهو كافر من جهة امتناعه عن الألوهية لا الربوبية

و

لا أعلم له مشاركاً في عدم تكفير إبليس إلا فرقة عبدة الشيطان في وادي لاصش في العراق.
@@ ################@@
وعلى كل:

أشهر كفار الأرض منذ وجد الكفر هو إبليس

!!!!!

لأن الله يقول:

{قَالَ اخْرُجْ مِنْهَا مَذْءُوماً مَدْحُوراً لَمَنْ تَبِعَكَ مِنْهُمْ لَأَمْلَأَنَّ جَهَنَّمَ مِنْكُمْ أَجْمَعِينَ} الأعراف،

فكل كافر على وجه الأرض من أتباع إبليس

وكل أمة كافرة فهي من أتباع إبليس،

فكيف يجهل كفر إبليس

فكلام عمرو في عدم تكفير إبليس

قائم

إما على قوة الجهل فيه

وإما على أبعاد لم نطلع عليها

والله مخرج ما كانوا يكتمون.



اما انا فردي بسيط من القران الكريم
ربنا سبحانه وتعالي بيقول(ولكن الشياطين كفروا)

وبالعقل هل يخلد في النار الا الكافرون؟؟؟؟؟؟؟
وابليس قال لربنا خلقتني من نار وقال خلقته من طين فيه كفر اكبر من كده انكتبقي عارف ان ربنا خلقك وتقر بده وتكفر
وشوف الشيطان قال لربنا بعزتك وجلالك امتي ده وهو واقف ين ايديه زي ما الكفار هيقولوا بالظبط يوم القيامة
ولا حول ولا قوة الا بالله




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://drahmedakl.healthgoo.com
dr_ahmed_akl
المدير العام
المدير العام


الجنس : ذكر العمر : 32 عدد الرسائل : 1603
الموقع : www.dr-akl.tk
المهنة : البلد :
الهواية :
المزاج :
الالتزام بالقوانين :
95 / 10095 / 100


لتعديل بياناتك : لتعديل بياناتك من هنا
السيكو بيكو : 1249
تقييم الاعضاء للعضو : 3
تاريخ التسجيل : 29/02/2008

مُساهمةموضوع: رد: نقاش بيني وبين شخص علي احد المنتديات عن عمرو خالد   الإثنين نوفمبر 17, 2008 11:23 am

وبعتله الرد علي كلام عمر خالد ان الموسيقي مش حرام:

بسم الله الرحمن الرحيم

حكم الأغاني و الموسيقى

جمع و تعليق ابن رجب السلفي
أدلة التحريم من القرآن الكريم:

1. قوله تعالى: "وَمِنَ النَّاسِ مَن يَشْتَرِي لَهْوَ الْحَدِيثِ لِيُضِلَّ عَن سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُوًا أُولَئِكَ لَهُمْ عَذَابٌ مُّهِينٌ" (سورة لقمان: 6)

قال حبر الأمة ابن عباس رضي الله عنهما: هو الغناء، وقال مجاهد رحمه الله: اللهو الطبل (تفسير الطبري)

وقال الحسن البصري رحمه الله: "نزلت هذه الآية في الغناء والمزامير" (تفسير ابن كثير).

قال ابن القيم رحمه الله: "ويكفي تفسير الصحابة والتابعين للهو الحديث بأنه الغناء فقد صح ذلك عن ابن عباس وابن مسعود، قال أبو الصهباء: سألت ابن مسعود عن قوله تعالى: "ومن الناس من يشتري لهو الحديث"، فقال: والله الذي لا إله غيره هو الغناء - يرددها ثلاث مرات -، وصح عن ابن عمر رضي الله عنهما أيضا أنه الغناء.." (إغاثة اللهفان لابن القيم).

وكذلك قال جابر وعكرمة وسعيد بن جبير ومكحول وميمون بن مهران وعمرو بن شعيب وعلي بن بديمة و غيرهم في تفسير هذه الآية الكريمة. قال الواحدي رحمه الله: وهذه الآية على هذا التفسير تدل على تحريم الغناء (إغاثة اللهفان).

ولقد قال الحاكم في مستدركه عن تفسير الصحابي: "ليعلم طالب هذا العلم أن تفسير الصحابي الذي شهد الوحي و التنزيل عند الشيخين حديث مسند".

وقال الإمام ابن القيم رحمه الله في كتابه إغاثة اللهفان معلقاً على كلام الحاكم: "وهذا وإن كان فيه نظر فلا ريب أنه أولى بالقبول من تفسير مَن بعدهم، فهم أعلم الأمة بمراد الله من كتابه، فعليهم نزل وهم أول من خوطب به من الأمة، وقد شاهدوا تفسيره من الرسول علماً وعملاً، وهم العرب الفصحاء على الحقيقة فلا يعدل عن تفسيرهم ما وجد إليه سبيل".


2. وقال تعالى: "وَاسْتَفْزِزْ مَنِ اسْتَطَعْتَ مِنْهُمْ بِصَوْتِكَ وَأَجْلِبْ عَلَيْهِم بِخَيْلِكَ وَرَجِلِكَ وَشَارِكْهُمْ فِي الأَمْوَالِ وَالأَوْلادِ وَعِدْهُمْ وَمَا يَعِدُهُمُ الشَّيْطَانُ إِلاَّ غُرُورًا" (سورة الإسراء:64)

جاء في تفسير الجلالين: (واستفزز): استخف، (صوتك): بدعائك بالغناء والمزامير وكل داع إلى المعصية و هذا أيضا ما ذكره ابن كثير والطبري عن مجاهد.

وقال القرطبي في تفسيره: "في الآية ما يدل على تحريم المزامير والغناء واللهو..وما كان من صوت الشيطان أو فعله وما يستحسنه فواجب التنزه عنه".

3. و قال الله عز وجل: "وَالَّذِينَ لَا يَشْهَدُونَ الزُّورَ وَإِذَا مَرُّوا بِاللَّغْوِ مَرُّوا كِرَامًا" (الفرقان: 72).

وقد ذكر ابن كثير في تفسيره ما جاء عن محمد بن الحنفية أنه قال: الزور هنا الغناء،

وجاء عند القرطبي والطبري عن مجاهد في قوله تعالى: "والذين لا يشهدون الزور" قال: لا يسمعون الغناء.

وجاء عن الطبري في تفسيره: "قال أبو جعفر: وأصل الزور تحسين الشيء، ووصفه بخلاف صفته، حتى يخيل إلى من يسمعه أو يراه، أنه خلاف ما هو به، والشرك قد يدخل في ذلك لأنه محسن لأهله، حتى قد ظنوا أنه حق وهو باطل، ويدخل فيه الغناء لأنه أيضا مما يحسنه ترجيع الصوت حتى يستحلي سامعه سماعه" (تفسير الطبري).

وفي قوله عز وجل: "و إذا مروا باللغو مروا كراما" قال الإمام الطبري في تفسيره: "وإذا مروا بالباطل فسمعوه أو رأوه، مروا كراما. مرورهم كراما في بعض ذلك بأن لا يسمعوه، وذلك كالغناء".

أدلة التحريم من السنة النبوية الشريفة:

1. قال رسول الله صلى الله عليه وسلم: "ليكونن من أمتي أقوام يستحلون الحر و الحرير و الخمر و المعازف، و لينزلن أقوام إلى جنب علم، يروح عليهم بسارحة لهم، يأتيهم لحاجة، فيقولون: ارجع إلينا غدا، فيبيتهم الله، ويضع العلم، ويمسخ آخرين قردة وخنازير إلى يوم القيامة" (رواه البخاري تعليقا برقم 5590، ووصله الطبراني والبيهقي، وراجع السلسلة الصحيحة للألباني 91).

وقد أقر بصحة هذا الحديث أكابر أهل العلم منهم الإمام ابن حبان، والإسماعيلي، وابن صلاح، وابن حجر العسقلاني، وشيخ الإسلام ابن تيمية، والطحاوي، وابن القيم، والصنعاني، وغيرهم كثير.

وقال الإمام ابن القيم رحمه الله: "ولم يصنع من قدح في صحة هذا الحديث شيئا كابن حزم نصرة لمذهبه الباطل في إباحة الملاهي، وزعم أنه منقطع لأن البخاري لم يصل سنده به". وقال العلامة ابن صلاح رحمه الله: "ولا التفات إليه (أى ابن حزم) في رده ذلك..وأخطأ في ذلك من وجوه..والحديث صحيح معروف الاتصال بشرط الصحيح" (غذاء الألباب في شرح منظومة الآداب لإمام السفاريني).

"وفي الحديث دليل على تحريم آلات العزف والطرب من وجهين؛
أولهما قوله صلى الله عليه وسلم: "يستحلون"، فإنه صريح بأن المذكورات ومنها المعازف هي في الشرع محرمة، فيستحلها أولئك القوم.
ثانيا: قرن المعازف مع ما تم حرمته وهو الزنا والخمر والحرير، ولو لم تكن محرمة - أى المعازف - لما قرنها معها" (السلسلة الصحيحة للألباني 1/140-141 بتصرف).

قال شيخ الإسلام ابن تيمية رحمه الله: "فدل هذا الحديث على تحريم المعازف، والمعازف هي آلات اللهو عند أهل اللغة، وهذا اسم يتناول هذه الآلات كلها" (المجموع).

2. وروى الترمذي في سننه عن جابر رضي الله عنه قال:"خرج رسول الله صلى الله عليه وسلم مع عبد الرحمن بن عوف إلى النخيل، فإذا ابنه إبراهيم يجود بنفسه، فوضعه في حجره ففاضت عيناه، فقال عبد الرحمن: أتبكي وأنت تنهى عن البكاء؟ قال: إني لم أنه عن البكاء، وإنما نهيت عن صوتين أحمقين فاجرين: صوت عند نغمة لهو ولعب ومزامير شيطان، وصوت عند مصيبة: خمش وجوه وشق جيوب ورنَّة" (قال الترمذي: هذا الحديث حسن، وحسنه الألباني صحيح الجامع 5194).

3. وقال صلى الله عليه و سلم: "صوتان ملعونان، صوت مزمار عند نعمة، و صوت ويل عند مصيبة" (إسناده حسن، السلسلة الصحيحة 427)

4. وعن رسول الله صلى الله عليه وسلم أنه قال: "ليكونن في هذه الأمة خسف، وقذف، ومسخ، وذلك إذا شربوا الخمور، واتخذوا القينات، وضربوا بالمعازف" (صحيح بمجموع طرقه، السلسلة الصحيحة 2203)

5. قال صلى الله عليه وسلم: "إن الله حرم على أمتي الخمر، والميسر، والمزر، والكوبة، والقنين، وزادني صلاة الوتر" (صحيح، صحيح الجامع 1708). الكوبة هي الطبل، أما القنين هو الطنبور بالحبشية (غذاء الألباب).

6. وروى أبي داوود في سننه عن نافع أنه قال: "سمع ابن عمر مزماراً، قال: فوضع أصبعيه على أذنيه، ونأى عن الطريق، وقال لي: يا نافع هل تسمع شيئاً؟ قال: فقلت: لا! قال: فرفع أصبعيه من أذنيه، وقال: كنت مع النبي صلى الله عليه وسلم، فسمع مثل هذا! فصنع مثل هذا" (حديث صحيح، صحيح أبي داوود 4116).

و علق على هذا الحديث الإمام القرطبي قائلاً: "قال علماؤنا: إذا كان هذا فعلهم في حق صوت لا يخرج عن الاعتدال، فكيف بغناء أهل هذا الزمان وزمرهم؟!" (الجامع لأحكام القرآن للقرطبي).
منقول للامانة الادبية


ولو حضرتك عايز تقول ان فيه شيخ من شيوخ النهاردة له راي تاني عايزنا نسيب تفسير صحابة رسول الله وناخد بتفسير شيخ وهيا دي نفس المشكله اللي بنتكلم عنها بندور علي شيخ يقول اللي يريح ضميرناوبس ونقول هو للي هيتحاسب لا انت كمان هتتحاسب لما الرسول بيقول فيما معني الحديث ان في اخر الزمان هياتي دعاة (يعني شيوخ) يتكلمون بكلامنا (ناس مننا يعني) يفتون الناس بغير علم فياخذون باديهم الي النار(يعني هيخدوا بادين بعض ويدخلوا النار) فحذار يا جماعة وربنا يوفقنا جميعا يارب الي ما يحبه ويرضاه




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://drahmedakl.healthgoo.com
dr_ahmed_akl
المدير العام
المدير العام


الجنس : ذكر العمر : 32 عدد الرسائل : 1603
الموقع : www.dr-akl.tk
المهنة : البلد :
الهواية :
المزاج :
الالتزام بالقوانين :
95 / 10095 / 100


لتعديل بياناتك : لتعديل بياناتك من هنا
السيكو بيكو : 1249
تقييم الاعضاء للعضو : 3
تاريخ التسجيل : 29/02/2008

مُساهمةموضوع: رد: نقاش بيني وبين شخص علي احد المنتديات عن عمرو خالد   الإثنين نوفمبر 17, 2008 11:27 am

رده علي كلامي:


إقتباس من كلامي:
يمكن انت ادري بس عايز اقول لحضرتك ان الهدايه من عند ربنا مش من عند عمر خالد ولا المشايخ

رده:
اكيد بس فيه سبب



إقتباس من كلامي:
انا فاهم هو عايز يوزصل لايه هو عايز يقول يا جماعه زي منتوا بتفشلوا فالرسول فشل

رده:
لا معلش انت كده مفهمتش هوعايز ايه هو عايز يقول ان الرسول فشل في التجربه ديييييييي كذا مره لانها تجربه انسانيه وده لو اي حد سمع الحلقه هيفهم منها كده



إقتباس من كلامي:
والهجرة يا استاذي كانت بامر من ربنا سبحانه وتعالي ومكنتش تجربة انسانية

رده:
الهجره بالفعل كانت بامر اللي بس طريقة التنفيذ والتخطيط بشريه ولا لا لو مكنتش بشريه كان ربنا بعتله براق يركبه او اصلا مكنش راح للطائف ممكن تقلي ايه الفوايد التي تحققت من رحلة الطائف كلها كانت اذى للرسول عليه الصلاة والسلام


إقتباس من كلامي:
اركز في كل حاجه عشان اقدر اوصل لطريقة تفكيره

رده:
اسف بس حضرتك كنت مركز عشان تشوف الاخطاء اللي بيقع فيها بس على فكره من الكبائر تصيد ذلات العلماء


إقتباس من كلامي:
طب حد يقولي ايه وجه الشبه مش انا اللي بقول ا فيه تشبيه هو اللي بيقول

رده:
طب ليه متقلش انه بيعتز بحاجه زي كده انا عن نفسي باعتز ان شهر ميلادي هو شهر ميلاد صلاح الدين يبقى كده انا بقارن بيني وبينه!!!!!!!!!!!!

إقتباس من كلامي:
محرم وشوفوا دليله ايه بيقول ان الرسول قال ( ستخرج المراة من الحيرة لا تخشي الا الله حتي تطوف بالبيت وحدها ) ولا حول ولا قوة الا بالله والحديث شوفوا هو قال ا

رده:
مش ده لام بتناقض نفسك ليه انت مش كاتب وحدهااااااااااااااااااا



إقتباس من كلامي:
في فضائل الاعمال انما مش ياخد بحديث ضعيف عشان ينفي بيه اساس من ثوابت الاسلام

رده:
ههههههههههههههه
فين الثوابت اللي نفاها دي


إقتباس من كلامي:
هو لما يطلع يقول ان شيوخنا ظلموا المراة بتحريم سفرها بدون محرم وان لا المفروض الست تسافر بدون محرم هو كده مش بيفتي؟؟؟

رده:
اولا الراجل دارس ثانيا مين قالك ان مفيش اراء فقهيه ده فعلا وهو بيميل للراي ده انت بقى مش عاجبك رايه دي قصه تانيه انما متقعدش تشتم فيه


إقتباس من كلامي:
هو اللي شرد نفسه

رده:
الراجل محترم وزي الفل ومحبوب سيبوه في حاله


إقتباس من كلامي:
بس لما شيوخه يقوموه يستجيب مش يكابر

رده:
الارجال مابرش ولا حاجه بس برضو مش لازم المشايخ يسيحوله يعني عالفضائيات وكده زي ما يكونوا مستنينله غلطه عجبني الشيخ وجدي غنيمعندما قومه وصححله في رساله بينه وبين عمرو خالد ده الاسلوب الراقي في التعامل بين العلماء مش نسيح لبعض ونعملحرب وده ليه اتباع وده ليه اتباع ايه خلاص هنقسم الاسلام وعلى فكره لو عمرو خالد قعد يرد عالتفاهات دي مش هيشتغل


إقتباس من كلامي:
هو ليس بعالم

رده:
مش انت اللي تحكم
الدكتوراه بتاعته هي اللي تديله الحق انه عالم



إقتباس من كلامي:
ومحدش بجد جاوبني علي سؤالي و ليه مربي شنبه مع ان الرسول نهي عن ده؟؟

رده:
هو حضرتك مربي دقنك ؟؟؟؟؟
وبعدين الشنب بيتحف مش بيتحلق في السنه يا دكتور وهو حافه فعلا







إقتباس من كلامي:
لو كان الهدف احباط اللي بينجح كانوا حاولوا يحبطوا الشيخ محمد حسان اللي الشباب بتجري علي اي مسجد يسمعوا انه هيروحه بس والله العظيم مش هو ده الهدف الهدف ان ثوابت الدين تفضل زي ما هيا محدش يقرب منها

رده:
مع احترامي الشديييييييييييييييييييد ومع حبي الشديييييييد للشيخ محمد حسان فهو مقدرش يعمل زي اللي عمرو خالد عمله

كل واحد فيهم ليه شغله وليه طريقته في الدعوه ونحسبهم الاتنين ان شاء الله على خير




إقتباس من كلامي:
ان ثوابت الدين تفضل زي ما هيا محدش يقرب منها


فين ثوابت الدين الي غيرها عمرو خالد




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://drahmedakl.healthgoo.com
dr_ahmed_akl
المدير العام
المدير العام


الجنس : ذكر العمر : 32 عدد الرسائل : 1603
الموقع : www.dr-akl.tk
المهنة : البلد :
الهواية :
المزاج :
الالتزام بالقوانين :
95 / 10095 / 100


لتعديل بياناتك : لتعديل بياناتك من هنا
السيكو بيكو : 1249
تقييم الاعضاء للعضو : 3
تاريخ التسجيل : 29/02/2008

مُساهمةموضوع: رد: نقاش بيني وبين شخص علي احد المنتديات عن عمرو خالد   الإثنين نوفمبر 17, 2008 11:31 am

ردي عليه:


اقتباس من كلامه:
لا معلش انت كده مفهمتش هوعايز ايه هو عايز يقول ان الرسول فشل في التجربه ديييييييي كذا مره لانها تجربه انسانيه وده لو اي حد سمع الحلقه هيفهم منها كده

ردي:
الرسول مفشلش ومش تجربة انسانية يقول الله تعالي ( وماينطق عن الهوي ان هو الا وحي يوحي) ومش معني ان ربنا اختبر صبر رسول الله انه كده فشل ومن رحمة الله سبحانه وتعالي برسوله ان فيه اتنين اسلموا بعد حديث معه في رحلة الطائف (ان مع العسر يسرا) بس كله بامر الله



اقتباس من كلامه:

الهجره بالفعل كانت بامر اللي بس طريقة التنفيذ والتخطيط بشريه ولا لا لو مكنتش بشريه كان ربنا بعتله براق يركبه او اصلا مكنش راح للطائف ممكن تقلي ايه الفوايد التي تحققت من رحلة الطائف كلها كانت اذى للرسول عليه الصلاة والسلام


ردي:
كانت اختبار لصبر رسول الله عليه الصلاة والسلام وممكن فيه اسباب تانيه لا يعلمها الا الله وفيه ايه قرانيه بتقول فيما معناها ان اكثر الناس ربنا بيختبر صبرهم الانبياء ثم الصالحون فالامثل فالامثل


اقتباس من كلامه:

اسف بس حضرتك كنت مركز عشان تشوف الاخطاء اللي بيقع فيها بس على فكره من الكبائر تصيد ذلات العلماء


ردي:
عشان تقول علي شخص عالم لازم علي الاقل يكون حافظ القران عشان القران بيكمل بعضه بعضا يعني ممكن نفسر ايه لوحدها تفسير بس يكون ليها تكملة في ايه تانيه تديها تفسير تاني خالص وانا كنت بسمعله عادي زي اي حد وكنت بستنيه مخصوص عشان اسمعه لحد ما سمعت منه حجات خلتني اعيد تفكيري مرة تانيه


اقتباس من كلامه:

طب ليه متقلش انه بيعتز بحاجه زي كده انا عن نفسي باعتز ان شهر ميلادي هو شهر ميلاد صلاح الدين يبقى كده انا بقارن بيني وبينه

!!!!!!!!!!!!

ردي:
ايوة لو شهر ميلادي وشهر ميلادي او شهر هجري مع شهر هجري بس مش شهر ميلادي مع شهر هجري ملهمش اي علاقة ببعض

اقتباس من كلامه:

مش ده لام بتناقض نفسك ليه انت مش كاتب وحدهااااااااااااااااااا


ردي:
الرسول عليه الصلاة والسلام لم يقل وحدهاا وهو ضاف كلمة وحدهاا وراجع الحديث حضرتك في اي كتاب حديث وعموما كل الشيوخ قالوا حرام سفر المراة بدون محرم وبعض الشيوخ قالوا ممكن اذا كان للحج فقط ومعها صحبة امنة ده الاختلاف اللي بين العلماء هو بقي قال تسافر لوحدها الي اي مكان وبدون محرم شوفت حضرتك بيغير ثوابت الاسلام ازاي وعموما حديث الرسول اللي بيقول فيه فيما معناه(لايحل لامراة تؤمن بالله واليوم الاخر ان تسافر مسيرة يوم وليلة بدون محرم) بيقفل الموضوع هو بقي ساب الحديث ده وكانه مش عايزه وراح لحديث تاني فيه اختلاف في تفسيره والرسول عليه الصلاه والسلام كلامه لا يمكن ان يناقض بعضه










اقتباس من كلامه:

الارجال مابرش ولا حاجه بس برضو مش لازم المشايخ يسيحوله يعني عالفضائيات وكده زي ما يكونوا مستنينله غلطه عجبني الشيخ وجدي غنيمعندما قومه وصححله في رساله بينه وبين عمرو خالد ده الاسلوب الراقي في التعامل بين العلماء مش نسيح لبعض ونعملحرب وده ليه اتباع وده ليه اتباع ايه خلاص هنقسم الاسلام وعلى فكره لو عمرو خالد قعد يرد عالتفاهات دي مش هيشتغل


ردي:
وضحلي ايه التفاهات بالظبط لما يتقاله انت خالفت كلام ربنا ورسوله دي تفاهات ومين التافه وجدي غنيم ومحمد حسان وابو اسحاق الحويني؟؟ يا اخي اتقي ربنا


اقتباس من كلامه:

مش انت اللي تحكم
الدكتوراه بتاعته هي اللي تديله الحق انه عالم


ردي
شوف واخدها منين الاول بريطانيا هيا اللي هاتيجي تعلمنا دينا؟؟













كلامي::
ياريت حضرتك برضو تردلي علي موضوع ان بعد محاولة ابرهة هدم الكعبة وارسال الله الطير عليه بالحجارة انتهت عصر المعجزات زي ما قال عمر خالد حضرتك موافقه برضو؟؟ ولا زينا بتعتبر ان القران من المعجزات وان شفاء الرسول للمرضي بامر الله من المعجزات وان مزول الوحي من المعجزات وكلام الشجر للرسول عليه الصلاه والسلام من المعجزات وارسال الله للملائكتة لتحارب مع المسلمين من المعجزات ووعد الله للمسلمين بالنصر اذا حاربوا لاعلاء كلمته مش من المعجزات؟ واخبار الرسول بالمسيح الدجال وعلامات الساعه مش من المعجزات؟ كفايه معجزات ولا اقول اكتر ؟؟


عموما انا مقولتش يبطل يشتغل انا بقول ميتكلمش في الدين الا لما يستشير الشيوخ اولا في اي حاجه هيقولها




ولم يرد بعدها........... عايز رايكم في الكلام




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://drahmedakl.healthgoo.com
 
نقاش بيني وبين شخص علي احد المنتديات عن عمرو خالد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الرئيسية :: الركن الاسلامي :: اسلاميات :: مكتبة الموضوعات الاسلامية العامة-
انتقل الى:  
خدمات الموقع
الرعاة الرسميون للموقع
الفيس بوك