الرئيسية
الوووووووووووو..اهلا وسهلا بك زائرنا الكريم...شرفتنا بزيارتك ..ويارب ماتكونش اخر مرة ويارب توافق تسجل وتشارك معانا



 
الرئيسيةالرئيسية  س .و .جس .و .ج  مكتبة الصورمكتبة الصور  بحـثبحـث  قائمة الاعضاءقائمة الاعضاء  المجموعاتالمجموعات  التسجيلالتسجيل  دخولدخول  المنتدي  الرئيسية  

شاطر | 
 

 هزة.. "مهند" و"نور"!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
gogo abo emera
مشرفة استراحة الاعضاء
مشرفة استراحة الاعضاء


الجنس : انثى العمر : 32 عدد الرسائل : 1258
المهنة : البلد :
الهواية :
المزاج :
الالتزام بالقوانين :
100 / 100100 / 100


لتعديل بياناتك : لتعديل بياناتك من هنا
السيكو بيكو : 98
تقييم الاعضاء للعضو : 4
تاريخ التسجيل : 01/03/2008

مُساهمةموضوع: هزة.. "مهند" و"نور"!   الجمعة أغسطس 15, 2008 8:51 am

هزة.. "مهند" و"نور"!





حوار تليفوني

سلمى تتابع التليفزيون في تركيز شديد وقد نسيت تقريبا أنها تحدث صديقتها ليلى على الهاتف الذي تدلت سماعته إلى جوارها وقد بدا أنها ذهبت إلى عالم آخر غير مرئي، قبل أن توقظها من رحلتها هذه صرخة تخرج من السماعة:
- سلمى! أنت جالك سكتة قلبية ولا إيه.. ماتردي عليّ؟
- آه.. سوري.. ياه.. مش ممكن!

- فيه إيه يا بنتي.. فيه حرامي دخل بيتكم ولا إيه؟!

- يوه عليكِ بنت خنيقة.. فوّقتيني من اللي أنا فيه.. ضيعت عليّ اللحظة الرومانسية؛ ده "مهند" كان بيصالح "نور".. عارفة بإيه؟ اشترى لها فيلا ع البحر.. آه وربنا!

- مهند مين ونور مين.. هو الحاج والحاجة عندك غيروا أساميهم ولا إيه؟ وفيلا إيه وبحر إيه.. ده إنتم ساكنين في شقة إيجار جديد!

- إيجار جديد إيه بس يا رجعية.. فيه حد في الدنيا دي كلها مايعرفش مهند ونور.. ياه .. ياه عليك يا مهند.. قمر قمر بجد.. طب يعني الواحدة لو اتجوزت واحد زي ده تعمل إيه في نفسها يعني؟

- تنتحر ياستي وتخلصنا! بطلي كلام فارغ.. ده أنا حتى شوفت ربع حلقة من المسلسل ده كنت بأموت من الملل.

- ملل.. ما هو أنتِ بوصلة الجمال باظت عندك من كتر المشي في الشوارع والزحمة والدوشة.. ده المسلسل كله رقة وحنان وحب.. مهند ونور دول بيحبوا بعض حب ما حبهوش عبد الحليم لزبيدة ثروت.. وعمر الشريف لفاتن حمامة.

- ما هو إحنا كده دايما نبص لبره.. مالهم يعني الممثلين بتوعنا؟

- إيه النظرة الضيقة دي.. المسلسل جميل وكله مناظر طبيعية تجنن وفيه قصة حب نار يا حبيبي نار.. ومافيهوش ولا منظر مخل أو خارج يبقى ما اتفرجش عليه ولا ما أحبهوش ليه؟ واسكتي بقى لأن فيه حد بيحاول يقتل مهند.. حاسب يا مهند حاسب هيقتلوك ولاد الـ......!



***

حلقة في برنامج تلفزيوني

المذيع متجهم ويكشر في وجه ضيوفه والمشاهدين قبل أن ينطلق كمدفع رشاش وارد للتو من المصانع الحربية:

- هكذا أصبح ذلك المسلسل الفاسق الداعر الماجن يلهي أخواتنا وإخواننا عن كل الأمور القيمة الحقيقية، يتفرجن على مهند ويطلقون له الآهات وتسيل من أجله الدموع ولا تسيل دمعة واحدة على المحرومين واليتامى من أبناء عروبتهن، ينتظر الرجال- أو من يمكن أن نطلق عليه هذا الوصف مجازا- المسلسل في شغف وبلاهة ليتأملون وجه نور.. ما رأيكم يا حضرات فيما يحدث.. هل هذه مؤامرة منظمة ضدنا لـ"تتريك" عقولنا خاصة أن المسلسل تركي؟ هل هناك يد إسرائيلية في هذه المؤامرة؟ هل هذه خطوة لتخدير العقول؟

يتمطع أحد الضيوف في جلسته قبل أن يتنحنح ليرد:
والله قلت خيرا أيها الصديق الفاضل.. ولهذا أنا أؤيد تماما الفتوى التي أصدرتها هيئة الأمر بالمعروف والنهي عن المنكر السعودية لتحرِّم مشاهدة هذا المسلسل الذي لا أجد كلمة مهذبة لوصفه. أيضا أؤيد ما فعلته الهيئة عندما أمرت بمنع بيع الملابس التي طبعت عليها صور ذلك الـ"مهند" وتلك الـ"نور" لأن هذا سفه وتفاهة وانشغال بأمور غير واقعية وجدية تعلي من شأن الأمة..ثم..

يقاطعه المذيع قائلا:
عفوا أيها الرفيق لدينا اتصال هاتفي من شخص يريد أن يهاجم المسلسل..

يأتي صوت المتصل:
مساء الخير بصراحة أنا قلت أنا حاهاجم المسلسل وبصراحة أنا باتصل عشان أهاجمكم أنتم.. الأخ بيقول إن الانشغال بالمسلسل تفاهة وسخافة.. طب ما حضرتك بتتناقش فيه هنا أهو؟ مش دي تفاهة برضه؟ المسلسل مسلسل عادي ممكن يعجب البعض وممكن البعض التاني مايستحملش يشوفه.. بس في كل الأحوال الحكاية مش مستحملة تدخل هيئات دينية عشان تحرم مشاهدته.. ده اللي اسمه سخافة فعلا و...

المذيع:
شكرا على مشاركتك ونعتذر عن انقطاع الاتصال ولنكمل مع ضيفنا العزيز عن هذا المسلسل الوباء..و...



***

زي ما حضرتك شايف
مجرد مسلسل تركي طويل حبتين- 160 حلقة بس!- عمل هزة كبيرة وضخمة في المجتمع العربي..

وانقسم الناس لأكتر من فريق..

فريق شايف مسلسل نور ده رجس من عمل الشيطان لا بد أن يرجم..

وفريق شايف إن نور ده مسلسل قادم من الجنة ولا بد أن يتم تعميمه في المناهج الدراسية!

وفريق شايف إنه "هوجة" وهتعدي وإن المسلسل عادي جدا لا خطر ولا ميزة فيه لكن الناس مبهورة بس بعلاقة الحب العميقة اللي في المسلسل خاصة أن علاقات الحب قلِّت شوية في المجتمع العربي..



بس برضه الوطن العربي من المحيط إلى الخليج اهتز..
هزة وصلت لدرجة إن فيه أسر اتفككت وحصلت حالات طلاق كتيرة، وإن أكبر هيئة دينية في السعودية أصدرت فتوى بتحريم مشاهدته..

وإن 3 آلاف سيدة انتظروا مهند لحظة وصوله دبي في زيارة ترويجية..

وإن بنات رفضوا عرسان اتقدموا لهم لأنهم مش شبه "مهند"..

حاجة جميلة خالص حضرتك!
وتكشف إن مجتمعنا "هش" جدا من جواه



يا ترى بتشوف المسلسل ده ولا لأ؟

ولو بتشوفه بتشوفه ليه؟

تفسيرك إيه أنت للهوجة
اللي عملها المسلسل ده؟

وهل فعلا اتغيرت حياتك
وحصل فيها حاجات كتير مختلفة لما شفت
مهند ونور



ها..كتبت ولا لسه؟


طبعا الموضوع منقول للافادة




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
gogo abo emera
مشرفة استراحة الاعضاء
مشرفة استراحة الاعضاء


الجنس : انثى العمر : 32 عدد الرسائل : 1258
المهنة : البلد :
الهواية :
المزاج :
الالتزام بالقوانين :
100 / 100100 / 100


لتعديل بياناتك : لتعديل بياناتك من هنا
السيكو بيكو : 98
تقييم الاعضاء للعضو : 4
تاريخ التسجيل : 01/03/2008

مُساهمةموضوع: رد: هزة.. "مهند" و"نور"!   الجمعة أغسطس 15, 2008 9:01 am

انا اول واحدة لازم ترد على الموضوع ده
يا ترى بتشوف المسلسل ده ولا لأ؟نعم

ولو بتشوفه بتشوفه ليه؟كان حب استطلاع

تفسيرك إيه أنت للهوجة
اللي عملها المسلسل ده؟هوجه فى الفاضى

وهل فعلا اتغيرت حياتك
وحصل فيها حاجات كتير مختلفة لما شفت
مهند ونور
طبعا بصيت لكل المفاجئات اللى مهند كان بيعملها لنور
واتمنيت ان زوجى يبقى يعملهالى
بس رجعت فكرت شوية بعقل وشفت الظروف اللى هما عايشين فيها
طبعا مش زى الظروف هنا خالص
هما هناك عايشين فى رخاء ودماغهم فاضية
تفكيرهم فى الرومانسية بس
لكن الواقع عندنا غير كدة
احنا هنا دماغنا مشغولة بمليون حاجة ومفيش شاب فى ايديه يعمل كل ده
فليه نظلم الشباب علشان الامكانيات مش مساعداهم




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
هزة.. "مهند" و"نور"!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» سلسة الكتب النادرة_"الجزء الأول": كتب التحليل المالي
» "فلسطين الغد" ... قناة فضائية جديدة في مكان قناه الفلسطينيه
» فوائد الفلفل البارد أو "الفلفل رومي"...
» الشاعر أحمد مطر......"غفت الحرائق"
» قائد "الخضر" يزيد منصوري "تلقيت عروضا إنجليزية لكني قررت البقاء في لوريون"

صلاحيات هذا المنتدى:لاتستطيع الرد على المواضيع في هذا المنتدى
الرئيسية :: ركن الأصدقاء :: عالم حواء :: الموضوعات العامة-
انتقل الى:  
خدمات الموقع
الرعاة الرسميون للموقع
الفيس بوك