الرئيسية
الوووووووووووو..اهلا وسهلا بك زائرنا الكريم...شرفتنا بزيارتك ..ويارب ماتكونش اخر مرة ويارب توافق تسجل وتشارك معانا



 
الرئيسيةالرئيسية  س .و .جس .و .ج  مكتبة الصورمكتبة الصور  بحـثبحـث  قائمة الاعضاءقائمة الاعضاء  المجموعاتالمجموعات  التسجيلالتسجيل  دخولدخول  المنتدي  الرئيسية  

شاطر | 
 

 هل هناك فعلا كرامة فى الحب ؟!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
gogo abo emera
مشرفة استراحة الاعضاء
مشرفة استراحة الاعضاء


الجنس : انثى العمر : 32 عدد الرسائل : 1258
المهنة : البلد :
الهواية :
المزاج :
الالتزام بالقوانين :
100 / 100100 / 100


لتعديل بياناتك : لتعديل بياناتك من هنا
السيكو بيكو : 98
تقييم الاعضاء للعضو : 4
تاريخ التسجيل : 01/03/2008

مُساهمةموضوع: هل هناك فعلا كرامة فى الحب ؟!   الأربعاء أبريل 23, 2008 3:12 pm

الكرامة في الحب.. سلك مكشوف..
يا إما يكهربك يا إما يخليك تنوّر!!


الكرامة.. هي ذلك الشيء الذي يقبع في مؤخرة رأسك وتتحسسه بقلبك، وعندما يصاب بسوء -ذلك الشيء مش قلبك- ترتدي خوذة "هولاكو" وتطير فوق صهوة جواد "أحمد السقا" في فيلم "شورت وفانلة وكاب" -أيوه فيه لقطة على البحر بيجيب فيها حصان مش عارف منين!!- لكي تحارب العالم كله أملاً في أن تحميها.

الخلاف على وجود الكرامة في الحب من عدمه هو خلاف تاريخي.. خلاف البشر على أزليّة البيضة والفرخة -هو مين قبل مين صحيح؟- ولا يمكن بأي حال من الأحوال أن تستدلّ على رأي قاطع وصارم في هذه القضية -الكتكوت طبعاً مش الكرامة- فالبيضة هي الأول؛ لأنها فقست الكتكوت، والكتكوت بقى فرخة وهكذا، وبلاش كلام كتير بقى في موضوع الفراخ ده أحسن البلدية بتلمّ الكل اليومين دول، وخلينا في موضوعنا..

الأول بس قبل ما ندخل في المعمعة -هي صح كده بس شكلها غريب شوية- لازم نفرّق بين موضوعنا وبين الكرامة المرتبطة بالخيانة الأخلاقية فعلاً وقولاً، دي قصة ودي قصة تانية خالص مش مجالها هنا، وكلامنا كله هيكون عن الكرامة المرتبطة في الأساس بتصرفات وأفعال وأقوال من النوعية المستخدمة بشكل يومي في حياتنا، يعني مثلا زي "مريم" اللي قالت لجوزها "سليط" بعد أسبوعين بس من جوازهم قدام مامته وأخته وهي بتهزر.. "سبيط يا حبيبي نفسي آكل جمبري".

فما كان من "سليط" إلا أن رفع يده والباقي.. إنتم عارفينه، فتعقّد الأمر، واتهم كل طرف الآخر بإهانته أمام العائلة.. ولولا أصحاب القلوب الرحيمة، كان الطرفان سيفترقان إلى الأبد.

ده مثال عام يعني.. وما يشترطش علشان يحصل أن يكون اسمك "سبيط" ممكن تبقى "مرجان" هاهاهاهاها...

كمان مش هنستبعد تماماً مرادف كلمة "الكرامة" المرتبط عند البعض وخاصة البنات بتنازلات أخلاقية من نوعية: "حبيته، فسلمت له نفسي.. وكرامتي.. على أساس إننا هنتجوز بعد 8 سنين" مفيش حاجة من دي خالص، الشرف ليس له مرادف إلا نفسه، وهو غير قابل للوضع في أي ميزان، هو وحده ميزان ومؤشر لأشياء أخرى.. اتفقنا على كده؟ لأ.. طيب كويس جدّاً.. نروح بقى للسؤال المهم..

هو فيه كرامة في الحب فعلاً؟
القصة دي تحديداً فيها ثلاثة اتجاهات واضحة وصريحة، واحد منهم مفتكس جديد حبتين واثنين معروفين، الاثنين المعروفين واحد فيهم –ها.. توهت ولا لسه؟- ممكن نقول عليه اتجاه عنتري بتاع الناس اللي قلبهم جامد حبتين، والتاني اتجاه مفلسف شوية، لكنه خليط ومزيج لطيف من الاتجاهات اللي قبله!!

الكرامة زي السوسة في الأسنان
محتاجة (سيجنال تووو) على طول.. حب يعني!!

الأصل في الحب الحقيقي –عند البعض- إن مفيش كرامة، ببساطة الحب نفسه كمضمون، وليس كمسمّى سطحي هو بديل للكرامة، فأينما وجد بصدق وعمق كافٍ بين أي طرفين انسحبت الكرامة إلى أقصى أركان العقل والعاطفة؛ لتظل كامنة هناك، ومع نمو الحب تتباعد المسافات، ولا تجد لنفسها مكاناً، فالطبيعي أن الحب يصاحبه احترام ووفاء وإخلاص وودّ واهتمام، وكلها أسماء مختلفة في شكلها لكنها متوحدة مع لفظ ومعنى الكرامة، ولكن مع انتفاء الحب تتعاظم قوة الكرامة، وتبدأ في الطفو على السطح.

بالبلدي كده، الكرامة في أي علاقة حب صادق لا وجود لها، لكنها تصبح ضيفاً خفياً وخبيثاً عندما تبدأ الخلافات والنزاعات تدبّ في العلاقة، فهي تفترش التراب ولا تأكل ولا تنام؛ لأن أحدا لا يعتني بها في العلاقة الحقيقية، لكنها سرعان ما تصبح وحشاً كاسراً بأنياب غليظة وقتما يسحب الحب عزاله، ويقرر هجران العلاقة إلى الأبد.

فيه إعلان بتاع معجون أسنان بيشرح قصة حياة السوسة اللي شكلها أخضر وبتهاجم طبقة المينا -ما تخبيش وشك ما تخافش- لما سعادتك تنسى تغسل أسنانك بعد الأكل.. فاكره؟ لأ؟..! طيب كويس قوي، الإعلان ده بيشرح بالظبط حدوتة الكرامة في الحب، فالسيجنال توو -اللي هو الحب يعني- يقضي دائماً على أي محاولات لوجود السوس -اللي هو الكرامة- وبالعكس تماماً يكون القياس؛ بمعنى أنك لما تبطّل تستعمل (سيجنال تو) تبدأ الأسنان في التسوس، حتى تتآكل تماماً، وكذلك يكون الحال عندما يرفع الحب يده عن أية علاقة حتى تتفاقم مشكلة الكرامة.

باختصار الاتجاه ده جديد شوية، معاصر حبتين، وإلى حد ما بيعكس مدى تطور علاقة الحب بين الزوجين في الألفية الجديدة، وخليك معايا كويس؛ لأن حتى فترة ما قبل الزواج طريقة التفكير بالشكل ده وبالكيفية دي شبه مستحيلة، وده مش بالإرادة يعني، لأ هو ما ينفعش؛ لأن بكل صراحة ووضوح الكيانات هنا ما زالت منفصلة ولم تتوحد، مهما قلت ومهما وصفت في وصولك مع طرفك الثاني إلى أسمى طبقات الحب، في لحظة، بل وأقل من لحظة، كل شيء قد يذهب من شباك العربية، زي ما بترمي كيس الشيبسي الفاضي!!

الكرامة فوق كل اعتبار..
لما تحبي تكلميني تقولي لي:
يا أستاذ "حسين"، أو: يا سيد "حسين"!!

فيه ناس الحب عندها كيان مستقل بكل ما فيه -من مشاعر وأفكار وهواجس وأحلام وأمنيات- عن الكرامة الشخصية، يعني أحبك آه، تيجي عليّ -عمداً أو بدون قصد- لأ.. كل واحد من طريق.

قد يبدو أنصار أصحاب هذا الاتجاه -وما أكثرهم- وكأنهم مصابون بجمودية القلب والمشاعر، وليس لديهم أي استعداد للتضحية والتحمل قليلا من أجل حبهم، لكن الفكرة ببساطة شديدة أنهم بالغوا كثيراً في الاعتداد بأنفسهم وبالغوا أكثر وأكثر في مفهوم ومعنى عزة النفس لديهم، فباتت مرادفاً يناطح الكرامة، ويعلوها في بعض الأحيان -على حسب الحالة المزاجية- فباتت كل كلمة أو فعل على بساطته أو قوته يحدث شرخاً ما في جدار تلك العلاقة؛ ليخرج في النهاية وحش الكرامة بكامل هيئته السيئة -زي السوسة الخضرا اوعى تخبي وشك- ليدافع عن نفسه وينسف ويدمر ويحطم كل شيء أمامه..

الأمثلة التاريخية على هذه النوعية من العلاقات جسّدتها الدراما المصرية في مسلسلات وأفلام قديمة وحديثة، فذلك الحوار الكوميدي لـ"صلاح ذو الفقار" أمام زوجته "شادية" عندما كان يحدثها في المصلحة أمام الموظفين ما زال خالداً في الذاكرة، وإلى حد ما يعكس ما نقول..

- مين اللي إدى العمال إجازة.
- أنا اللي إديت للعمال إجازة.
- مخصوم منك.. –تسكت، ثم تنظر بضعف، وترتخي أحبالها الصوتية- ليه يا "حسين" عملت كده؟
- أولاً لما تحبّي تكلميني تقولي لي: يا أستاذ "حسين" أو: يا سيد "حسين"، ثانيا: إدّيت العمال إجازة؛ لأني كنت شايف إنهم تعبوا.
- هيرتاحوا بعد ما نخلّص المشروع.
- بس أنا شايف إنهم يرتاحوا دلوقت.
- يعني مش عاوز تعترف بغلطك.
- لأ..
- مخصوم منك 3 أيام.

ويعود "حسين"؛ ليثأر لكرامته في المنزل.. فيحتدّ عليها، وتهرب من أمامه؛ لتجهز الطعام.. ثم..

- كل يوم قلقاس؟.. كل يوم قلقاس؟..
- ده مش قلقاس يا حبيبي، دي مكرونة بالفراخ!.
- كل يوم فراخ؟.. كل يوم فراخ؟.. دي عيشة تقرف..

أصحاب هذا المبدأ أو الاتجاه يحملقون بعصبية زائدة وحساسية مفرطة في كل كلمة أو فعل، ومبررهم في ذلك أن كرامتهم لا يمكن أن تمس، وخاصة من أقرب الناس إليهم، وهم بالمناسبة لا يفرقون بين أن يكون هذا الفعل أو القول أمام الناس أو في الخفاء، عموماً اللي بيفكروا بالشكل ده، ليسوا أشراراً ولا متذئبين يتحولون وقت اكتمال القمر بدراً -أعووو- بل بالعكس قد تجدهم طيبين للغاية، لكن تركيبتهم الشخصية تكونت بهذا الشكل وبهذا الأسلوب، فبات من الصعب تغييرها، فالثابت لديهم أن كفّة الكرامة ترجح دائماً عندما يوضع مقابلها الحب.

الحب الحقيقي هو
اللي يصون كرامة الحبيب ولا يمسها..
الكرامة هنا سلك مكشوف بجد اوعى تتكهرب!!


الاتجاه ده تقدر تقول عليه مفلسف شوية، لكنه يعد مزيجاً لطيفاً من الاتجاهين السابقين، فالحب هنا ليس عكس الكرامة -زي الاتجاه الأول- وفي نفس الأمر ليس في كفة والحب في كفة -زي الاتجاه الثاني- لأ.. الاثنين حاجة واحدة متطابقة، آه فيه كرامة عند كل طرف، لكنها غير مؤذية..

ببساطة شديدة –وتجنباً لأي خلط- في هذا الاتجاه دور الحب مختلف، بمعنى أنه لا يحلّ محل الكرامة -لأنها موجودة بشدة- وأيضا ليس أقل وظيفة من الكرامة؛ لأنه هو الذي يرعاها لذلك فهو مهم نفس أهميتها.
ولكن رغم ذلك يبقى سؤال مهم..
ماذا لو لم يراعِ أحد الطرفين سلك الكرامة وتعدّى عليه؟


لأ.. بخلاف إنه هيتكهرب، العلاقة هنا قد تصل إلى مفترق الطرق، وقد تلتهب الأمور -يعني نار وكهربا- وفي الحالة دي لازم المطافي والإسعاف تتدخل بقوة وفي الوقت المناسب -اوعى تستخدم الميه.. لو طفت النار هتنشفك من الصاعقة- والإسعاف والمطافي هنا هي الحب وعلاقة المودة والاحترام المتبادل والتي تعيد العلاقة إلى بدايتها مرة أخرى.

رغم كل ما سبق، الكرامة كأية قيمة إنسانية غير مرئية -لأنها محسوسة- تعتبر شيئاً نسبيّاً للغاية، فهي كأي مسمّى يختلف معناها من فرد إلى آخر وفق متغيرات كثيرة كالبيئة والتعليم والثقافة والنشأة والحالة الاقتصادية وغير ذلك، لذلك فمدلول الكرامة عند "سليط" قد يختلف بالتأكيد عن مدلول الكرامة لدى "مرجان" ده الكيلو بـ 20 جنيه، وده بـ 9.30!!..
إنت بقى رأيك إيه؟..
شايف إن الكرامة زي السوسة الخضرا -ما تخبيش وشّك- ولاّ حاجة فلّ، وأهم مليون مرة من أي حب في الدنيا، وأصون كرامتي من قبل حبي..

ولاّ شايف إنها مزيج لطيف من كل الاتجاهات اللي فاتت
!!




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ملك
عضو مبتديء
عضو مبتديء


عدد الرسائل : 20
الالتزام بالقوانين :
0 / 1000 / 100

لتعديل بياناتك : لتعديل بياناتك من هنا
السيكو بيكو : -6
تقييم الاعضاء للعضو : 0
تاريخ التسجيل : 02/04/2008

مُساهمةموضوع: رد: هل هناك فعلا كرامة فى الحب ؟!   الأربعاء أبريل 23, 2008 6:53 pm

الحب من غير كرامه مش هيستمر
الكرامه دي شئ مهم جدا للانسان
وما ينفعش نتنازل عنها لاي سبب
واللي بيحب حد بيحترمه وبيحافظ علي كرامته
ده رايي ياساره
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
هبه
المشرف العام
المشرف العام


الجنس : انثى العمر : 35 عدد الرسائل : 519
المهنة : البلد :
الالتزام بالقوانين :
90 / 10090 / 100


لتعديل بياناتك : لتعديل بياناتك من هنا
السيكو بيكو : 171
تقييم الاعضاء للعضو : 0
تاريخ التسجيل : 19/03/2008

مُساهمةموضوع: موضوع يمس الوجدان الا نهائى فى الا شعور الل......   الخميس أبريل 24, 2008 12:00 am

موضوعك مهم جدا يا ساره بينبسق من الا شعور المنبسق من
الوجدان اللى فى العقل الباطن اللى ............ Laughing
والله يا ساره انا كان نفسى اقول راى
بس بخلاف ان الموضوع طوييييييييييييل جدا
مفهمتش منه حاجه drunken
على اى حال انا فهمت العنوان
ممكن ارد عليه؟لأ
كويس قوى ارد انا بقى Crying or Very sad
الكرامه ركن اساسى لحياة الانسان.وبقول انسان
بس دا ميمنعش ان فى ناس مش ناس وعايشين ومبسوطين بحياتهم
يبقى الركن الاساسى لبقاء الحياه الزوجيه هو الاتفاق
الاتفاق على وجود الكرامه او على عدم وجودها lol!
برافووووووووووو.اكيد راى ثح tongue
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Modypiano
عضو فعال
عضو فعال


الجنس : ذكر العمر : 34 عدد الرسائل : 323
الالتزام بالقوانين :
0 / 1000 / 100

لتعديل بياناتك : لتعديل بياناتك من هنا
السيكو بيكو : -4
تقييم الاعضاء للعضو : 3
تاريخ التسجيل : 28/06/2008

مُساهمةموضوع: رد: هل هناك فعلا كرامة فى الحب ؟!   الثلاثاء يوليو 01, 2008 12:26 pm

انا هختصر الكلام ده فى مثل واحد

إللى يقول لمراته (حبيبته) يا عووره الناس تلعب بيها الكورة, وإللى يقول لمراته (حبيبته) ياهانم الناس تقابلها على السلالم

وطبعا من المثل باين ان الحب كله كرامة وكرامة الحبيب من كرامة محبوبه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
gogo abo emera
مشرفة استراحة الاعضاء
مشرفة استراحة الاعضاء


الجنس : انثى العمر : 32 عدد الرسائل : 1258
المهنة : البلد :
الهواية :
المزاج :
الالتزام بالقوانين :
100 / 100100 / 100


لتعديل بياناتك : لتعديل بياناتك من هنا
السيكو بيكو : 98
تقييم الاعضاء للعضو : 4
تاريخ التسجيل : 01/03/2008

مُساهمةموضوع: رد: هل هناك فعلا كرامة فى الحب ؟!   الثلاثاء يوليو 01, 2008 2:16 pm

بشكركم كلكم على ردودكم على الموضوع المهم ده
وفعلا فعلا مفيش حب من غير كرامة




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Modypiano
عضو فعال
عضو فعال


الجنس : ذكر العمر : 34 عدد الرسائل : 323
الالتزام بالقوانين :
0 / 1000 / 100

لتعديل بياناتك : لتعديل بياناتك من هنا
السيكو بيكو : -4
تقييم الاعضاء للعضو : 3
تاريخ التسجيل : 28/06/2008

مُساهمةموضوع: رد: هل هناك فعلا كرامة فى الحب ؟!   الثلاثاء يوليو 01, 2008 5:10 pm

ياسارة الحب كله كرامة واللى يفرق الاتنين عن بعض يبقى ما عندوش اى فكرة عن الحب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
هبه
المشرف العام
المشرف العام


الجنس : انثى العمر : 35 عدد الرسائل : 519
المهنة : البلد :
الالتزام بالقوانين :
90 / 10090 / 100


لتعديل بياناتك : لتعديل بياناتك من هنا
السيكو بيكو : 171
تقييم الاعضاء للعضو : 0
تاريخ التسجيل : 19/03/2008

مُساهمةموضوع: رد: هل هناك فعلا كرامة فى الحب ؟!   الأربعاء يوليو 02, 2008 12:58 am

جميل رايك يا monsieur
بس كنت عاوزه اعلق ان اى حد هنا بيقول حاجه منقوله عن لسان حد
بيقول فى الاخر منقول للامانه Razz Laughing Smile Very Happy tongue
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Modypiano
عضو فعال
عضو فعال


الجنس : ذكر العمر : 34 عدد الرسائل : 323
الالتزام بالقوانين :
0 / 1000 / 100

لتعديل بياناتك : لتعديل بياناتك من هنا
السيكو بيكو : -4
تقييم الاعضاء للعضو : 3
تاريخ التسجيل : 28/06/2008

مُساهمةموضوع: رد: هل هناك فعلا كرامة فى الحب ؟!   الأربعاء يوليو 02, 2008 1:16 am

@هبه كتب:


جميل رايك يا monsieur
بس كنت عاوزه اعلق ان اى حد هنا بيقول حاجه منقوله عن لسان حد
بيقول فى الاخر منقول للامانه Razz Laughing Smile Very Happy tongue



ودا جميل ان يكون فى امانه بس المفروض ان اللى بينقل يقول رأيه علشان نعرف نكلمه ونتشارك معه فى الحوار اصل دا مش كتاب هنقرأه ونذاكره ونخش الامتحان نحله لأ دا موضوع احنا بنتفاعل فيه وفى الاخر الكل بيستفاد عن طريق مشاركته فى الرد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
gogo abo emera
مشرفة استراحة الاعضاء
مشرفة استراحة الاعضاء


الجنس : انثى العمر : 32 عدد الرسائل : 1258
المهنة : البلد :
الهواية :
المزاج :
الالتزام بالقوانين :
100 / 100100 / 100


لتعديل بياناتك : لتعديل بياناتك من هنا
السيكو بيكو : 98
تقييم الاعضاء للعضو : 4
تاريخ التسجيل : 01/03/2008

مُساهمةموضوع: رد: هل هناك فعلا كرامة فى الحب ؟!   الأربعاء يوليو 02, 2008 10:02 pm





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Modypiano
عضو فعال
عضو فعال


الجنس : ذكر العمر : 34 عدد الرسائل : 323
الالتزام بالقوانين :
0 / 1000 / 100

لتعديل بياناتك : لتعديل بياناتك من هنا
السيكو بيكو : -4
تقييم الاعضاء للعضو : 3
تاريخ التسجيل : 28/06/2008

مُساهمةموضوع: رد: هل هناك فعلا كرامة فى الحب ؟!   الخميس يوليو 03, 2008 3:37 pm


بجد ياسارة الصور دى انتى بتجبيها منين علشان عاجبانى جدا

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
gogo abo emera
مشرفة استراحة الاعضاء
مشرفة استراحة الاعضاء


الجنس : انثى العمر : 32 عدد الرسائل : 1258
المهنة : البلد :
الهواية :
المزاج :
الالتزام بالقوانين :
100 / 100100 / 100


لتعديل بياناتك : لتعديل بياناتك من هنا
السيكو بيكو : 98
تقييم الاعضاء للعضو : 4
تاريخ التسجيل : 01/03/2008

مُساهمةموضوع: رد: هل هناك فعلا كرامة فى الحب ؟!   الأحد يوليو 13, 2008 10:51 pm

مش هقولك
geek




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
هل هناك فعلا كرامة فى الحب ؟!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الرئيسية :: ركن الأصدقاء :: عالم حواء :: الموضوعات العامة-
انتقل الى:  
خدمات الموقع
الرعاة الرسميون للموقع
الفيس بوك