الرئيسية
الوووووووووووو..اهلا وسهلا بك زائرنا الكريم...شرفتنا بزيارتك ..ويارب ماتكونش اخر مرة ويارب توافق تسجل وتشارك معانا



 
الرئيسيةالرئيسية  س .و .جس .و .ج  مكتبة الصورمكتبة الصور  بحـثبحـث  قائمة الاعضاءقائمة الاعضاء  المجموعاتالمجموعات  التسجيلالتسجيل  دخولدخول  المنتدي  الرئيسية  

شاطر | 
 

 لو اطلعتم على الغيب لاخترتم الواقع

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
gogo abo emera
مشرفة استراحة الاعضاء
مشرفة استراحة الاعضاء


الجنس : انثى العمر : 32 عدد الرسائل : 1258
المهنة : البلد :
الهواية :
المزاج :
الالتزام بالقوانين :
100 / 100100 / 100


لتعديل بياناتك : لتعديل بياناتك من هنا
السيكو بيكو : 98
تقييم الاعضاء للعضو : 4
تاريخ التسجيل : 01/03/2008

مُساهمةموضوع: لو اطلعتم على الغيب لاخترتم الواقع   الجمعة أبريل 18, 2008 2:08 pm

المقدمة:-
كل واحد فينا عاش و شاف كتير فى حياته سواء كان كبير او صغير و اكيد اتعلم منها و حب او هيحب انه يفيد ولاده بالخبرة الى اكتسبها فى المستقبل ، ديه سنة الحياة، بس انا مش هستنى لما ربنا يرزقنا لا انا هاجى و احكيها ليكم علشان نفيد بعض و رجاء اى واحدة مرت بازمة او حست بالظلم تيجى و تحكيها علشان نقوى بعض .
انا عن نفسى هقول الحكاية الى حصلت لى بس هى ديه الحقيقة الى امنت بيها بان الله عادل ورحيم يلا بينا نسمعها مع بعض.
القصة :-(طبعا منقولة)
كان يا مكان كان فى بنت ربنا اكرمها ودخلت الثانوية العامة بمصر و جابت فى تانية ثانوى 96.5% اللهم لا حسد و طبعا كانت دخلت علمى علوم يعنى درست احياء بسم الله ما شاء الله و اعقدت طول سنة تالتة ثانوى تذاكر و كان نفسها تدخل طب و تبقى مع صحبتها و المهم مرت الايام و الاشهر لغاية ايام الامتحانات وعدت العربى و الانجليزى و كانت بتحمد ربنا على اجابتها و مبسوطة من الامتحانات و طريقتها ، بس القدر لعب لعبته زى ما بيقولوا و ظهرت لعبة الاقدر يوم امتحان الفيزياء .
ممكن واحدة فيكم تقول عقدت طلاب الثانوية و عادى يعنى لما تغلط فى الامتحان "على العكس ياريت الى فى بالك حصل لانها كانت بتحب الفيزياء و متفوقة فيها .لكن الى حصل انها لما راحت الامتحان و كعادتها سلمت على صحبتها و لغاية متوزع ورق الاجابة و ياريته متوزع لانها زى اى امتحان عدت ورق الاجابة زى ما بيطلبوا منهم بس لاقيت فيه ورقة ناقصة فقالت للمراقب و رجعتها زى ما بيحصل كل مرة و طبعا ضاع من زمن الاجابة مش اقل من5 دقايق ، المهم جات ورقة اجابة تانية بس كانت مقطوعة و متنفعش تاجب فيها و خادوا الورقة منها و طبعا ضاع كده مش اقل من 10 دقايق من زمن الاجابة و هى يا عنى مش عرفة تعمل ايه م لقتش حاجة تعملها غير البكاء و الاهم ان المراقب كان رد فعله انه تعبان مش هيقدر ينزل يجيب ورقة تانية علشان البت تمتحن مع ان ديه شغلته الى بيقبض عليها مش اقل من الف جنية .، المهم جات الورقة التالتة و كان عيبها المرة ديه انها ناقصة دبوس و طبعا راحت الورقة التالتة راح معاها امل الطالبة انها تخلص الامتحان اصل كان ضاع من الوقت 20 دقيقة ،المهم راحت الورقة الرابعة هى كمان الى كان عيبها انها مقطوعة قطع كبير يعنى بعد ما كانت البت اجبت سؤال كامل يعنى من الاخر بدات تاجب امتحنها بعد مرور ساعة من وقت الاجابة الاصلى ، و حلت الامتحان بعد مخرجت وهى حل سؤال كامل تكفى درجاته بادخلها الطب ، خرجت وهى تعترف بان كان بمقدورها تحل الامتحان وهى مغمضة عينها و لكن من اين الثقة تحت الضغط النفسى الى كانت فيه؟!واحدة تانية غير الاولنيه تقول ما هى ممكن تعوضها فى المواد التانية"هرد عليها و اقولها ان كان وراها مادة الكيمياء و الفرق اربعة ايام و منهم يوم للمستوى الرفيع يعنى مقدمهاش وقت كبير علشان نفسيتها ترتاح و طبعا مقدرتش تفصل بين الى حصل و الى هيحصل و فقدت الامل فى كل حاجة.
فى الاخر ربنا اكرمها ودخلت صيدلة فى الاخر و هى بتحمد ربنا .

بينها و بين نفسها:-بعد ما دخلت الكلية و استقرت اعقدت تفكر فى الى حصلها و ايه حكمت ربنا فى كل ده
اول حاجة عرفتها اتها معملتش كل الى عليها علشان تيجب الدرجة النهائية او تدخل طب .
تانية حاجة حستها ان ربنا دخلها الكلية علشان تلاقى الصديقة الى كانت نفسها فيها و الى كانت مبتحبهاش بس عرفتها بجد لما دخلت الكلية و مشت معاها وده كفاية علشان يعوضها.
اما تالت حاجة انها لقيت انها مكنتش هتقدر على مجهود كلية الطب.

الغرض:-
انا بحكى الحكاية ديه علشان اقول ان ربنا عادل ادانى الى استحقه من دون ما يظلمنى او يظلم غيرى ، و ان ربنا رحيم وعارف اد ايه انا اتالمت من الموضوع ده فعاز يعوضنى خير بصحبتى.
و دلوقتى الدور عليكى تفكرى انت حسيتى انك اظلمتى امتى و حاولى دورى بينك وبين نفسك عن السبب الى حصل هو انت السبب فيه ام خارج ارادتك و زى ما بيقولوا ديه لعبت القدر؟
انا كل الى عايزاه منك انك تفكرى باسلوب علمى لما تتعرض لمشكلة :-
1-حددى المشكلة
2-اجمعى كل المعلومات الى تتعلق بيها
3-حطى الافتراضات الممكنة
4-اختارى الحل الثالى و من الافضل ان تثتشيرى من حولك
وفى الحقيقة انا لو كنت اتصرفت كده مكنتش ضيعت وقتى و اقدرت اجتاز الازمة .بس بعد كده انا هحاول التزم بالامور السابقة و اطبقها زى ما عملت فى المشكلة الى فاتت بس بعد فات الاوان .انت لس قدامك وقت تضيعيه و تنسى حلك لمشكلتك ؟؟؟؟؟؟؟؟؟؟؟؟
معتقدش ابدائى دلوقتى و فكرى فى حل بس استخدمى العقل و القلب مع بعض
علشان متندميش زى.
ياريت كل من تعرضت لمشكلة تعرضها هنا لعل و عسى اخت لها تكون فى نفس المشكلة فممكن تستفيد من حلك للمشكلة




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
gogo abo emera
مشرفة استراحة الاعضاء
مشرفة استراحة الاعضاء


الجنس : انثى العمر : 32 عدد الرسائل : 1258
المهنة : البلد :
الهواية :
المزاج :
الالتزام بالقوانين :
100 / 100100 / 100


لتعديل بياناتك : لتعديل بياناتك من هنا
السيكو بيكو : 98
تقييم الاعضاء للعضو : 4
تاريخ التسجيل : 01/03/2008

مُساهمةموضوع: رد: لو اطلعتم على الغيب لاخترتم الواقع   الجمعة أبريل 18, 2008 2:10 pm

ودى قصة تانية
بنت تحكى عن نفسها
وأنا بردو قصتي عجيبة شوية..ولما بتأمل فى كل النقاط الفاصلة فى حياتي بلاقيها محنة فى باطنها منحة

أنا كنت آدبي عشان بحبه جدا وصحابي كانو دايما يقولولي أول مرة نشوف واحدة آدبي عشان بتحبه
وكان حياتي التاريخ واللغة العربية خصوصا بس سبحان الله برغم إن كنت بدأه السنة بهمة مش طبيعية لدرجة هههه إن ضغطي إنخفض جداا من التوتر وتعب المذاكرة
لكن سبحان الله أتعرضت لإبتلاء شديد وأنا كنت مش عايزة لا ألسن ولا إعلام ولاحتى لو مجموعي جابهم أنا كنت عايزة آداب تاريخ أو لغة عربية

..وأنا لو كنت قدرت أذاكر فى الآخر كنت هعرف ألم لأن ده نظام مذاكرتي أصلا طول السنة أفهم وفى الآخر أذاكر لكن قدر الله سبحانه وتعالى إني أتعرض للظروف دي ومدخلش إلى أنا عايزاه

وأنا لو قتلوني مكنتش هدخل أي حاجة مش ميولي..وخلاص فى البيت أقنعوني أدخل أى حاجة خاصة لغات وفعلا أخترت أسباني وقدر الله إن جواب الترشيح بتاعي أنا بالذات يتأخر لشهور كمان فوالدي راح وكده ولقيت نظام الناس هناك أعوذ بالله قمة قلة الآدب ومجتمع فعلا منتهى السفالة لو حجاب كله تبرج وزينة دي بالنسبة لهم شيخة وبركة وتاكل تريقة لغاية ما تموت لأن أغلب الحاجات الخاصة خصوصا لما تكون آدبية حرية +فلوس= إنسي طبعا وأنا للأسف مدرستي رغم إنها مكنتش مختلطة إلا إنها كانت أغلبها الفئات دي وكنت بكرهها فعلا ..

وفي الوقت ده كنت لسه منتقبة جديد وعايزة أثبت ومش عايزة أحس بغربة تاني ..فربنا سخر لي أسباب إلى أن درست علوم شرعية برغم إنها والله كانت أبعد حاجة عن بالي ولو كان حد فكر يقترح عليه كنت بتخانق معاه ومكانش طريقى أبـــــــــدا لكن ربنا يسر لي سبب ورا سبب لحد ما دخلت المجال ده

وأديني أهوه رابع سنة وناوية أكمل وفعلا أنا مش راضية بس عشان مدخلتش الكلية إلى كنت عايزاها أنا
فى منتهى السعادة إنها مجتش وعندي يقين شديــــد إن الإبتلاء ده كان أكبر نعم حياتي ..أنا دراستى دي غيرت مسار حياتي أكتر من 360 درجة وهتفضل تغيره بإذن الله للأفضل
ويستحيل حد يكون بيحب مجاله أكتر مني إلا إلي زيي طبعا : )

وإنتي متعرفيش لو كنتي دخلتي طب كان حصل إيه ..وفعلا الحكاية مش تقصير منك إن الورق يتغير بالطريقة دي ومعاكي إنتي بس بالشكل ده رسالة ربانية صريحة جدا إن فعلا ده قدر الله وإختياره لكِ ..فعلا عجيبة جدااااااا قصتك .
تعرفي أنا المادة إلى فرقت بيني وبين المجموع إلى كنت عايزاه كانت جولوجيا وعلوم بيئية وكنت بحبها والأول كنت باخد مع مدرسة كويسة بس بتنقل كتاب المدرسة ومش بتلخص كويس فمعجبتنيش وغيرت لمدرسة تانية بعد الإمتحان أنا وإصحابي إكتشفنا إنها كانت بتغامر وبتلغي أجزاء من المنهجبرغم شهرتها ! فسبحان الله رحت لقدري برجليه!

ليه واحد قريبي فرقت معاه هندسه على درجة في المية ! وهوه موس إنجليزي زى مابيقولو وشاطر جدا اللهم بارك وكان واخد درس عشان يقفل المستوى الرفيع إنجليزي ويضمن درجاته ..سبحان الله يروح للراجل إلى مسئول مرة يلاقيه ميعرفش معاد الإمتحان ومرة يقولو إسمك مش معايا لغاية مالإمتحان إلى كان هيجبله الدرجة إلى كان عايزاها راح عليه! فقلت لماما وهيه بتحكيلي أصلا ده مينفعش يزعل أخد بكل أسباب الدنيا وربنا مقدرش ليه وزي ماقلتلك رسالة ربانية صريحة يزعل ليه! وهوه فعلا ماشاء الله راضي وكليتة دلوقتي جميلة وهتنفعه بإذن الله

حقيقي فعلا سبحان الله! والحمد لله ومعلش رغيت كتير ..بس فكرتيني بنفسي




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
diamond
عضو مبتديء
عضو مبتديء


عدد الرسائل : 10
الالتزام بالقوانين :
0 / 1000 / 100

لتعديل بياناتك : لتعديل بياناتك من هنا
السيكو بيكو : 0
تقييم الاعضاء للعضو : 0
تاريخ التسجيل : 14/04/2008

مُساهمةموضوع: رد: لو اطلعتم على الغيب لاخترتم الواقع   السبت أبريل 19, 2008 4:37 pm

سبحــــــــــان الله فعلا..

فيه أمور كتير في حياة كل شخص فينا..

ساعة ما بتحصل.. بنكون في قمة الضيق..

وبنحاول.. وبنسعى في جميع الاتجاهات وبكل الطرق..

لكن اللي بيحصل في الآخر.. هو اللي ربنا رايده لينا..

وأكيد.. هو اللي فيه الخير..

لا يحضرني دلوقتي موقف معين..

بس حبيت أشارككم وأؤيد كلامكم.. وكتيـــــــــــــــــــــــــــر حصلت لي مواقف من النوع دة..

لدرجة اني مش فاكرة موقف محدد.. لأن حياتي كلها تقريبا مواقف مشابهة..

الحمد لله على كل حال..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
gogo abo emera
مشرفة استراحة الاعضاء
مشرفة استراحة الاعضاء


الجنس : انثى العمر : 32 عدد الرسائل : 1258
المهنة : البلد :
الهواية :
المزاج :
الالتزام بالقوانين :
100 / 100100 / 100


لتعديل بياناتك : لتعديل بياناتك من هنا
السيكو بيكو : 98
تقييم الاعضاء للعضو : 4
تاريخ التسجيل : 01/03/2008

مُساهمةموضوع: رد: لو اطلعتم على الغيب لاخترتم الواقع   الأحد أبريل 20, 2008 11:57 pm

انا زى اى بنت عادية دخلت الثانوية العامة ومن كتر حبى فى الرياضيات كنت باتمنى اكون مهندسة ودخلت فعلا علمى رياضه
وكان المدرس بتاعى بيشهدلى بمستقبل عريق فى الهندسة من كتر تفوقى
وجبت مجموع حلو فى تانية ولكن قبل ظهور النتيجة حدث عندنا حالة وفاه
فكانت حالة ابى سيئة لدرجة انه نام مريضا من شدة الحزن على اخته
وبعد ظهور النتيجة توسم فى مجموعى الخير انه ممكن يزيد لانى اصلا مكنتش بذاكر وجبت مجموع كويس امال لو ذاكرت هعمل ايه؟!
وخفت من انه يزعل منى علشان مش عايزة احول علمى علوم
ووافقت بس للاسف مجبتش المجموع اللى كان نفسى فيه لانى اصلا ذاكرت مادة من غير حب
وجبت مجموع تربية وطلب منى بردة انى ادخل كليه تربية ولكنى المرة دى رفضت بشدة لانى مش بحب اكون مدرسة
ودخلت كلية العلوم بحمد الله وكملت فيها ونجحت وخرجت منها من غير رسوب
الحمد لله
واشتغلت بعد كدة فى مجال التحاليل ومبسوطة جدا فى الشغل بتاعى وبحبه جدا
وكل مافكر انى كان نفسى ابقى مهندسة
اقول اكيد مكنتش هلاقى شغل
اكيد مكنتش هبقى مبسوطة
لو فكرنا كلنا فى الحكمة اللى بتقول لو اطلعتم على الغيب لاخترتم الواقع
لكان كل واحد رضا بحاله




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
diamond
عضو مبتديء
عضو مبتديء


عدد الرسائل : 10
الالتزام بالقوانين :
0 / 1000 / 100

لتعديل بياناتك : لتعديل بياناتك من هنا
السيكو بيكو : 0
تقييم الاعضاء للعضو : 0
تاريخ التسجيل : 14/04/2008

مُساهمةموضوع: رد: لو اطلعتم على الغيب لاخترتم الواقع   الإثنين أبريل 21, 2008 11:49 am

افتكرت موقف شبه موقفك يا سارة..

أول ما خلصت ثانوية عامة.. لقيت إعلان عن كلية جديدة في مصر .. في جامعة خاصة..

ودة طبعا بعد ما فقدت الأمل في إني أدخل تنسيق لأننا كنا في شهر 9 خلاص...

كلية العلوم الطبية التطبيقية..

وكان من أقسامها.. تحاليل وأشعة وأجهزة طبية وقتها.. كنا سنة 98.. دلوقتي بقى فيها كمان مساعد أسنان وتمريض

المهم...

كنت أتمنى أدخل قسم الأشعة..

وقدمت على هذا الأساس.. وتوكلت على الله..

وبعد بداية الدراسة بشهر ونص تقريبا..

عملوا لنا اجتماع.. وقالوا.. إنهم كبداية.. ولأننا أول دفعة.. وعددنا قليل جدا على إنه يتقسم على أقسام..

ولعدم توفر الإمكانيات اللازمة...

فإذن.. القسم الوحيد اللي حيكون متاح.. هو قسم التحاليل الطبية..

وحنستخدم الأجهزة والمعامل بتاعت صيدلة..

ومكنش وقتها مستشفى الجامعة أنشئ أساسا...

واستخرت.. وتوكلت على الله.. برغم إني كنت أكره حاجة اسمها كيمياء..

وكنت أفشل طالبة في الكيمياء...

وفوجئت بأن ربنا أراد لي تخصص.. درست فيه 6 فروع مختلفة للكيمياء..

والحمد لله تفوقت في دراستي...

وكنت الأولى أو التانية بالكتير.. على دفعتي على مدار 4 سنين...

وتخرجت بتقدير ممتاز.. وبعد كدة تفوقت في شغلي الحمد لله

وبعد ما فتحوا باقي الأقسام ومنهم قسم الأشعة..

واطلعت على موادهم وطريقة دراستهم...

حمدت ربي إني درست التحاليل.. لأنها حيوية أكتر.. مش مادة جامدة وومتصلبة زي الأشعة...

برغم إني برضه عندي شغف بمجال العمل بتاعهم... وحاسة انه ممتع أكتر من مجالي..

بس .. قدّر الله.. وماشاء فعل.. والحمد لله.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
هبه
المشرف العام
المشرف العام


الجنس : انثى العمر : 35 عدد الرسائل : 519
المهنة : البلد :
الالتزام بالقوانين :
90 / 10090 / 100


لتعديل بياناتك : لتعديل بياناتك من هنا
السيكو بيكو : 171
تقييم الاعضاء للعضو : 0
تاريخ التسجيل : 19/03/2008

مُساهمةموضوع: رد: لو اطلعتم على الغيب لاخترتم الواقع   الإثنين أبريل 21, 2008 8:25 pm

ماشاء الله انتى كنتى متفوقه وبتطلعى الاولى او التانيه
على اساس ان العدد قليل جدا لدرجة مقسموكوش اقسام؟ Very Happy







انا طبعا بهزر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
diamond
عضو مبتديء
عضو مبتديء


عدد الرسائل : 10
الالتزام بالقوانين :
0 / 1000 / 100

لتعديل بياناتك : لتعديل بياناتك من هنا
السيكو بيكو : 0
تقييم الاعضاء للعضو : 0
تاريخ التسجيل : 14/04/2008

مُساهمةموضوع: رد: لو اطلعتم على الغيب لاخترتم الواقع   الإثنين أبريل 28, 2008 11:07 am

Very Happy Very Happy Very Happy

أنا عارفة انك بتهزري يا هبة...

وتوضيحاً لهذه النقطة...

احنا في سنة أولى.. كنا لا نتجاوز ال10 ....

وتخرجنا 40....


فكنت باخد ترتيبي على الأربعين دول



بس اسمع دلوقتي إن الأعداد بقت زي تجارة كدة... أرقام مهولة....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Modypiano
عضو فعال
عضو فعال


الجنس : ذكر العمر : 34 عدد الرسائل : 323
الالتزام بالقوانين :
0 / 1000 / 100

لتعديل بياناتك : لتعديل بياناتك من هنا
السيكو بيكو : -4
تقييم الاعضاء للعضو : 3
تاريخ التسجيل : 28/06/2008

مُساهمةموضوع: رد: لو اطلعتم على الغيب لاخترتم الواقع   الإثنين يونيو 30, 2008 5:55 pm

والله كده كده رضينا بالواقع او مارضيناش فأمر الله نافذ نافذ ولن يستطيع اى شخص تغييره ولكن نحن نوافق كى ناخذ به حسنات لاننا لو اعترضنا سوف ناخذ سيئات وكده كده مش هنغير أى حاجة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
gogo abo emera
مشرفة استراحة الاعضاء
مشرفة استراحة الاعضاء


الجنس : انثى العمر : 32 عدد الرسائل : 1258
المهنة : البلد :
الهواية :
المزاج :
الالتزام بالقوانين :
100 / 100100 / 100


لتعديل بياناتك : لتعديل بياناتك من هنا
السيكو بيكو : 98
تقييم الاعضاء للعضو : 4
تاريخ التسجيل : 01/03/2008

مُساهمةموضوع: رد: لو اطلعتم على الغيب لاخترتم الواقع   الخميس يوليو 03, 2008 3:57 pm





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Modypiano
عضو فعال
عضو فعال


الجنس : ذكر العمر : 34 عدد الرسائل : 323
الالتزام بالقوانين :
0 / 1000 / 100

لتعديل بياناتك : لتعديل بياناتك من هنا
السيكو بيكو : -4
تقييم الاعضاء للعضو : 3
تاريخ التسجيل : 28/06/2008

مُساهمةموضوع: رد: لو اطلعتم على الغيب لاخترتم الواقع   الخميس يوليو 03, 2008 4:00 pm

ربنا يستر يا حاجة سارة يوميها وربنا يثبتنا ان شاء الله عند السؤال
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
gogo abo emera
مشرفة استراحة الاعضاء
مشرفة استراحة الاعضاء


الجنس : انثى العمر : 32 عدد الرسائل : 1258
المهنة : البلد :
الهواية :
المزاج :
الالتزام بالقوانين :
100 / 100100 / 100


لتعديل بياناتك : لتعديل بياناتك من هنا
السيكو بيكو : 98
تقييم الاعضاء للعضو : 4
تاريخ التسجيل : 01/03/2008

مُساهمةموضوع: رد: لو اطلعتم على الغيب لاخترتم الواقع   الثلاثاء يوليو 15, 2008 10:08 pm





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
لو اطلعتم على الغيب لاخترتم الواقع
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الرئيسية :: ركن الأصدقاء :: عالم حواء :: الموضوعات العامة-
انتقل الى:  
خدمات الموقع
الرعاة الرسميون للموقع
الفيس بوك